Caribische Ziè
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
De Caribische Ziè of Caraïbische Ziè is 'n ziè die grens aan d'n Atlantischen Oceaan. De Caribische Ziè wuèrtj zelf ingeslaote door de eilenj Cuba, Hispaniola en Puerto Rico in 't naorde, de Klein Antille in 't oaste, de lenjer Venezuela, Colombië, Panama en Costa Rica in 't zuje en de lenjer Mexico, Guatemala, Belize, Honduras en Nicaragua in 't wèste. Same mit de Golf van Mexico vörmp de Caribische Ziè de Amerikaanse Middelziè, 'n randjziè van d'n Atlantischen Oceaan.
Eileng in de Caribische Ziè weure de Caraïbische eileng geneump.
De Caribische Ziè besleit 'n oppervlakde van 2.754.000 kmå en 't deepste puntj bevindj zich in de Kaajmantraog tösse Cuba en Jamaica, op 'n deepdje van 7,5 km.
Vreuger waas dees ziè veural beröch door de pirate die zich hie bevónje. Ouch waas 't gebied beröch óm de slavernie op de sókkerplantaazjes in de zevetièndje, achtièndje en neugetièndje ièw, wobie veural de plantaasjbezitters op Cuba, Haïti en Jamaica 'n rol speeldje.
't Ganse gebied van de Caribische Ziè, inclusief de väöl eilenj die zich inn en aan de randj daovan bevinje, wuèrtj 't Caribisch gebeed geneump. Bie 'n breier diffenisie kinne ouch de drie Guyana's, die neet aan de ziè ligke, tót de Caraïbe waere geraekendj.