Calisson
De Calisson ass eng Schneekerei vun Aix-en-Provence.
Der Seechen no, goufen déi éischt Calissone 1454 um zweeten Houchzäitsiesse vum Kinnek René zerwéiert. Nodeem seng Fra, déi ni gelaacht hat, e Calisson probéiert hat, war déi ganz begléckt mat deene klenge Séissegkeeten. A wéi ee vun den Invitée wësse wollt wat dat wier, krut e gesot: "Di Calin soun" (ce sont des câlins).
De Calisson besteet aus:
- Frësch geschielte Mandelen
- Fruits confits
- Zocker
- Hunneg aus de Lavendel-Felder vun der Haute Provence
- Eewäiss
- Vanill an
- Ongesaiert Brout
De Calissonier hëlt fir d'Friichten haaptsächlech Melounen, mä deemno wat fir eng Joreszäit et ass, ginn och Aprikosen, Orangen oder Mandarinnen dragemaach.