Emmentaler

Emmentaler est caseus bubulus e lacte crudo in Helvetiae pago Bernae in valle Emmae inventus, oculis magnis sparsus. Sub eodem nomine casei similes (sed recentiores) etiam alibi fiunt: in Germania et Francia, ubi appellationes protectas habent; in Polonia, Lituania, Finnia.

Appellatio Originis Protecta

Caseus sub nomine macaronico Emmentaler Switzerland in Helvetia venundatus debet in regione delimitata et in modis definitis fieri quattuorque menses (vel plures) maturari; qui caseus ab anno 2006 appellationem originis verificatam habet. Addenda sunt alia vera rite definita: Emmentaler réserve (8 menses vel plures reservatus); Emmentaler des grottes vel Emmentaler Höhlengereiften ("in cavernis maturatus").
Caseus in regione Algovia Germaniae sub nomine Allgäuer Emmentaler confectus appellationem in Europa protectam habet. Hi casei tres tantum menses maturantur.
Casei in regionibus Franciae sub nominibus Emmental français est-central et Emmental de Savoie confecti appellationem geographicam in Europa verificatam habent. Hi casei admodum recentes oculis permultis sparguntur.

Nexus externi

http://www.emmentaler.ch/
De caseo Emmentalio apud situm de ferculis historicis Helvetiae
De appellationibus lacticiniis Helveticis (Francogallice)
De appellationibus lacticiniis Helveticis (Francogallice)
De caseo Emmentaler Francico (Francogallice)
Comparatio caseorum Emmentaler e Polonia, Lituania, Finnia (Lituane)
De appellationibus lacticiniis Europaeis (Hispanice, Danice, Theodisce, Neograece, Anglice, Francogallice, Italiane, Batavice)
Marc-Jérôme Hassid, "Le terroir, un territoire hybride. L’exemple des fromages des Alpes du Nord" (2005) apud Géoconfluences (de Emmental de Savoie)