Skógur
Skógur er vistkerfi með ríkjandi trjágróðri sem þekur að minnsta kosti 1 hektara og að þekju-hlutfall fullorðinna trjáa sem eru að minnsta kosti 2 metra há sé um og yfir 10%. Séu trén lægri en 2 metrar að hæð kallast þau kjarr. Þetta er skilgreining skógasviðs FAO[1] að öðru leyti en því að þar er gert ráð fyrir að hæð fullorðinna trjáa sé 5 metrar. Skógar hafa mikil áhrif á umhverfi sitt og skapa meðal annars kyrrara loftslag og svokallað nærloftslag (enska: microclimate). Auk þess bindur skógurinn loftraka, mengunarefni og rykagnir úr loftinu, temprar vatnsrennsli á leið til sjávar, dregur úr hávaða í þéttbýli og skapar verðmætar auðlindir sem eru óþrjótandi ef þær eru nýttar með sjálfbærum hætti.
Ísland
breytaUm 2% landsins eru vaxin skógi og kjarri. Birkiskógar telja þar mest en ræktaðir skógar með barrtrjám eru um fjórðungur af heildartölunni. Sitkagreni, stafafura og rússalerki hafa þrifist best. Þau eru meðal trjáa sem hafa náð yfir 20 metra hæð og er sitkagreni um 30 metrar hæst. [2]
Orð tengd skógi
breyta- hlíðþang - er forn kenning í skáldamáli og þýðir skógur.
- holt - þýddi í fornu máli skógur, sbr: sjá í gegnum holt og hæðir. Holtriði var orð haft um þann sem bjó í skógi.
- lundur - þýðir skógarlundur eða trjáþyrping.
- myrkviður - er myrkur margslunginn skógur.
- mörk - þýðir skógur, sbr.: dýr merkurinnar og Þórsmörk.
Eitt og annað
breyta- Fyrsta bókin sem kom út um skógrækt á Íslandi hét: Skógurinn og æskulýðurinn (norska: Skogen for de unge) og kom út árið 1938. Hún var eftir hinn norska Chr. Gjerlöff, sem var rithöfundur og skipulagsfræðingur. [3] [4]
Tengt efni
breytaTilvísanir
breyta- ↑ http://www.fao.org/docrep/006/ad665e/ad665e06.htm
- ↑ Tvö prósent Íslands er nú þakið skógi og kjarriVísir, sótt 3. apríl 2022
- ↑ „Morgunblaðið 1938“. Afrit af upprunalegu geymt þann 22. júlí 2011. Sótt 15. september 2008.
- ↑ Gegnir.is[óvirkur tengill]
Tenglar
breyta
- Skógræktin; heimasíða Skógræktarinnar
- Um sögu skóganna á Íslandi; grein í Lesbók Morgunblaðsins 1959
- Um stefnu skógræktarmála og framkvæmd þeirra næstu áratugi; grein í Lesbók Morgunblaðsins 1944
- Íslandsskógar; grein í Lesbók Morgunblaðsins 1999
- Menn og skógur; grein í Lesbók Morgunblaðsins 1971
- Skógar; grein í Lesbók Morgunblaðsins 1928
- Barrskógur á Íslandi; grein í Lesbók Morgunblaðsins 1947
- [Hringrásirnar í skóginum - Kjarnaskogur.is
