Historio di Katar
Homi ja okupis la regiono di nuna Katar cirkume 50 000 yari ante nun, dum petr-epoko[1]. Kolonieti ed utensili de petr-epoko deskovresis en tota peninsulo.[1] Utensili del epoko Ubaid de Mezopotamia (c. 6,5 mil til 3,8 mil yari aK) trovesis en rivala zoni. En 224 pos Kristo, imperio Sasanid dominacis la regiono.
Mohamedana religio komencis adoptesar en la regiono depos yaro 628. Cirkume la duimo di la 7ma yarcento, Mohamedani konquestis Persia, ed imperio Sasanid finis.
En 1521, Portugalani siejis la regiono e konstruktis multa fortresi ibe. La regiono aparis unesmafoye en Portugalana mapi en 1563. En 1602, Portugalani ekpulsesis. En 1766, membri de familio Al Khalifa migris de la nuna Kuwait ad anciena urbo Zubarah.
En 1871, Otoman imperio expansis lua dominaco en la regiono, ma en 1913 ol renuncis suvereneso super Katar. Dum Unesma mondomilito, emiro Abdullah bin Jassim Al Thani signatis pakto kun Britaniani, e transformis Katar en protektorato.
Katar nedependanteskis del Unionita Rejio ye la 3ma di septembro 1971. En 1995, Hamad bin Khalifa Al Thani revokis ilua patro per sensanga stato-stroko, e komencis serio di politikala ed ekonomiala reformmi.[2] Ilu sucesis atraktar koloki, e kreis televiziono-brodkasterio Al-Jazeera, qua transmisas per satelito. Dum la yari 2000a, la lando solvis frontierala disputi kun Bahrain e Saudi-Arabia[2]. En 2007, la lando ja havis la maxim granda TNP po persono de la mondo[2].
En 2011, diferanta de altra Araba stati, Katar ne afektesis da Araba Printempo. En 2013, Hamad abdikis favore lua filiulo Tamim bin Hamad Al Thani[2]. En 2022, Katar divenis l'unesma Araba lando qua gastigis la Mondala Kupo di Futbalo.
Referi
[redaktar | redaktar fonto]- ↑ 1,0 1,1 Qatar: Historical Background - Autoro: Toth, Anthony. Publikigita da Library of Congress - Federal Research Division. Dato di publikigo: januaro 1993.
- ↑ 2,0 2,1 2,2 2,3 Qatar - The World Factbook - Publikigita da CIA. URL vidita ye 3ma di marto 2024. Idiomo: Angla.
