Wilhelm von Humboldt
| Wilhelm von Humboldt | |
|---|---|
 | |
| Land |  Germania
|
| Nascentie | 22-im de junio 1767 in Potsdam |
| Morte | 8-im de april 1835 in Berlin-Tegel |
| Ocupation | Scientist, Politico, Filosof |
Friedrich Wilhelm Christian Carl Ferdinand von Humboldt esset un german scientist, politico e filosof de Prussia. Il nascet li 22-im de junio 1767 in Potsdam e morit ye li 8-im de april 1835 in Berlin-Tegel. Friedrich von Humboldt es li juniori fratre del scientist Alexander von Humboldt.
Wilhelm von Humboldt comensat studiar in Frankfurt (Oder) jurisprudentie, ma changeat pos solmen un semestre al universitá in Göttingen. In Göttingen Wilhelm von Humboldt concentrat se a filosofie, historie e li lingues classic.
In li annu 1789 Wilhelm von Humboldt viageat a Svissia e Francia. In Weimar il rencontrat in Weimar li famosi german autores Friedrich Schiller e Johann Wolfgang von Goethe. In li annu 1790 Wilhelm von Humboldt finit su studies e comensat laborar por li state de Prussia.
Wilhelm von Humboldt maritat in li annu 1791 Caroline von Humboldt (nascet quam Caroline von Dacheröden). Li cuple havet ott infantes.
In li annu 1799 e 1801 Wilhem von Humboldt viageat a Hispania e explorat li orígine del basc lingue. Inter 1797 e 1808 Wilhelm von Humboldt laborat quam diplomat de Prussia in Roma (Italia).
Pos li retorn a Germania Wilhelm von Humboldt directet li reformes del sistema de education in Prussia in li annus 1809/1810. In li annu 1809 Wilhelm von Humboldt initiat li fundation del universitá de Berlin, quel hodie porta li nómine Universitá de Humboldt in Berlin.
Inter 1810 e 1819 Wilhelm von Humboldt laborat quam diplomat e ministre por urban aferes de Prussia.
Pos su suspension quam ministre Wilhelm von Humboldt laborat quam scientiste. Il fundat li modern comperativ linguistica e creat ovres de filosofie. Wilhelm von Humboldt riconstructet li Castell de Tegel en quel il habitat con su familie per li famosi architecte Karl Friedrich Schinkel.
Wilhelm von Humboldt aprendet e parlat anglesi, italian, hispan, francesi, lituanian, tchec, hungarian e basc. Il explorat li indigeni lingues de America, Sanskrit, asian lingues e li lingue del Hawaii.
Wilhelm von Humboldt es hodie egardat quam un del max influential persones del historie de cultura in Germania. Wilhelm von Humboldt videt li scope del education in to que li homes es capabil formar su propri individulitá e personalitá. Wilhelm von Humboldt esset in li tradion del era del illumination del mente.
Hodie li Universitá de Humboldt in Berlin, mult scolas, mult stradas, e li ancian Urban Castelle de Berlin porta li nómine de Wilhelm von Humboldt e su fratre Alexander von Humboldt.