SAUPTIKA PARWA

Kacritrayang Sang Aswatama nempongin pedukuhan Sang Panca Pandawa rikala tengah
lemenge. Sang Aswatama ngematiang bala wadwa tantara Panchala makesami, Sang
Drestadyumna sane nyedayang Sang Maha Guru Drona, Srikandi lan kelima okan Pandawa.
Selantunyane Sang Aswatama nyeselin prilakunipun lantas Sang Aswatama lunga ka tengah
wana, lan mengkeb ring pasraman Bhagawan Byasa
Sang Pandawa kroda, lan rereh Sang Aswatama lantas mesiat Sang Arjuna sareng Sang
Aswatama. Ritakala masiat, Sang Aswatama ngemedalin senjata sane mewasta Sang Brahmastra
sane kalintang madur gama, senjata punika kaanggen antuk nyerang Sang Arjuna lan Sang
Arjuna ngewales ngangge senjata sane pateh. Jejeh gumine benyah, Bhagawan Byasa
ngenikayang mangda Sang Aswatama sareng Sang Arjuna nyineb senjata punika, Sang Arjuna
mresidayang, sakewanten Sang Aswatama ten ngidang mresidayang, raris Sang Aswatuma nunas
mangda pasiluran sane lianan. Saking Krodane, Sang Aswatama ngangge senjata punika anggen
nyerang putune Sang Arjuna sane wenten ring garba Dewi Utari
Sesampunnyane Sang Aswatama ngangge senjata Brahmastra punika untuk nyerang
putune Sang Arjuna sane wenten ring garba Dewi Utari, lantas senjata punika ngelebur putune
Sang Arjuna. Sri Kresna sane uning putune Sang Arjuna sampun seda, lantas nguripin putune
Sang Arjuna sane wenten ring garba Dewi utari, lan mastu Sang Aswatama mangde keni
penyakit kusta lan ngiterin jagat makelonipun 6000 warsa.

STRI PARWA
Kacritayang tangis pure balu isrine sane kaline seda saking somahne ring Medan
Kurusetra. Kacritayang taler Ida Prabu Drestarastra sane sungsut lantaran katinggalin okan-
okane ring Medan Kurusetra, sami putranipun sampun kasedayang antuk Sang Panca Pandawa.
Sang Yudistira selantur ipun ngawentenan upacara pitra yadnya lan ngaturang toya suci ring pare
leluhur. Kacritayang taler Dewi Kunti ngaceritanyang asal mula Sang Karna

SANTI PARWA
Kacritayang ring ungkur pasiatanne. Ida Prabu Dretarastra naanin sungsut lan dukan Ida
santukan penyedan satus putrane. Ritatkala Ida kacunduk sareng Sang Panca Pandawa sane
nunas restu Ida jigingewarisin tahta Hastinapura punika, Ida Sang Prabu Drestarastra ngelud seka
siki Panca Pandawa, rikala rauh ring Sang Bima mawastu pekayune sane ten becik antuk sedane
satus putrane buakanipun Sang Duryodana lan Sang Dursasana. Sri Kresna uning, yadiastun Ida
Sang Prabu Drestarastra buta. Ida madue kesaktian setara teken 100 gajah. Gelis-gelis Sri Kresna
nyalinin Sang Bima untuk arca sane pateh sareng Sang Bhima Taler dawegrika, Ida Sang Prabu
Drestarastra menyahin arca punika kantos dados abu. Pamuput ipun Sang Bima Slamet lan Ida
Sang Prabu Drestarastra ngewawanin ngubah pikayunan Ida lan ngicen panugrahan ring Sang
Panca Pandawa

ANUSASANA PARWA
Kacritayang Sang Yudistira siaga jagi nunas peplajahan saking Bhisma. Bhisma nuturin
Sang Yudistira peplajahan-peplajahan Agama Hindu mangde idup ragane sareng semetonnyane
rahayu, Bhisma tarek ngicen peplajahan-peplajahan sane lianan. Peplajahan-peplajahan punika
matetu jon mangda Sang Yudistira sareng Sang Panca Pandawa sane lianan ngrereh kerahayuan
sekarine nyeneng ring jagate

ASWAMEDIKA PARWA
Kacritayang medalnyane Sang Parikesit sane sampun kacritanyang seda ring garba
ibunnyane Dewi Utari, sane katulungun antuk Sri Kresna, semuresidayang nyeneng malih ring
jagate, selanturan ipun kawantenan upacara Aswamedha sane kalaksanayang olih Sang
Yudistira. Anggen upacara punika, Sang Yudistira ngelebang jaran. Jaran punika mangumbara
makelonipun a warsa, lan ring ungkurnyane kasarengin pasukan saking Panca Pandawa sane
kaenterin olih Sang Arjuna nugtug jaran punika. Kerajaan-Kerajaan sane kaliwatin olih jaran
punika mangda nunduk ring Sang Prabu Yudistira yening nenten mangde siage masiat sareng
Sang Arjuna. Sesampune punika, para raja sawewengkan India ngangkenin Ida Sang Prabu
Yudistira dados Maha Raja Kuru

ASRAMA WASIKA PARWA

Kacritayang Ida Sang Prabu Drestarasta, Dewi gandari, Dewi Kunti, Widura lan Sanjaya
mapeicayang kerajaan Hastinapura ring Ida Sang Prabu Yudistira selanturne Ida metapa ka
tengah alase. Sang Panca Pandawa polih lunga nyingakin pertapaan Ida ring tengah wana.
Pamuputne, Betara Narada ngerauhin Sang Panca Pandawa lan ngeraosin wana genah Ida Sang
Prabu Drestarastra, Dewi Gandari lan Dewi Kunti metapa sampun puun antuk api suci Ida sami.
Ngeranayang Ida sami seda lan lunga ka suarga loka

MOSALA PARWA
Kacritayang rikala Sang Yudistira nata prabu, gumine sampun ngranjing kala Kali Yuga.
Ida Sang Prabu Yudistira sampun nyuryaning cihna kauwugan gumine. Kawentenane sane patuh
taler kerasayang antuk Sri Kresna, ida nyingakin jätmane sampun ngawit engsapin dharma.
Kacritayang Batara Narada sareng para Rsi lunga ka Dwaraka, irika akeh wenten truna-
trunine drika sane Banjul ring para Rsi. Nika ngeranayang Rsine duka, lan ngastu Sang Samba
Putran Basudewa, Ida nenten jagi ngemedalin oka lanang utawi istri, sakewanten Sang Samba
pacang ngemedalin senjata Mosala.
Lantas punika Sang Samba ngemedalin senjata gada besi sane mewasta Mosala ring
wadukne. Saking titah Ida Sang Prabu Ugrasena, senjata punika kalebur dados abu, sesampun
dados abu, abu punika entunge ke tengah pasihe. Sesampune kaentungan ke pasihe, abu punika
teda kin ulamne ring pasih, lantas ulam punika ejuke kin bendegane lan kaadol ke pemboros.
Pemboros punika molihin besi ring basang ulamne, besi punika anggene senjata panak panah.
Kacritayang ritatkala senjata punika sampun kalebur lan kaentung ka tengah pasihe,
Batara Kala medal ke jagat. Sri Kresna nganikain mangde Para Wresni, Yadawa lan Andhaka
ngewentenang upacara ring sisin pasih Prabhasatirta. Irika para Wresni, Yadawa lan Andhaka
nenten nyidayang ngilangin tingkahnyane sane jele, punika minum arak ngantos punyah.
Sesampune Para Wresni, Yadawa lan Andhaka punyah, irika lantas mesiat sane ngeranayang
Para Wresni, Yadawa lan Andhaka seda, tur nyisayang wantah para istri lan ksatria akidik.
Seusan punika Sang Balarama lunga ka tengah wana lan Sri Kresna ngenikain mangde para istri
mangda lunga ke gumi Kuru. Tur Sri Kresna ngutus Daruka mangda lunga ke Hastinapura tur
nganikain sang Pandawa punika para wangsa Wresni, Yadawa lan Andhaka sampun lebur.
Seuusan punika Sri Kresna medal ke tengah wana genah Sang Balarama, kacingakin
Sang Balarama sampun seda ring tapanyane tur medal lelipi saking cangkemne. Lelipi punika
lunga ka tengah pasihe. Sesampunne nyingakin rakane Sang Balarama seda, Sri Kresna matapa
ring beten punyan kayune, irika lantas wenten pemboros sane mewasta jara lunga maboros
kealase. Irika sang Jara nepuk Sri Kresna sane metapa. Sri Kresna kadene kidang olih jara,
pinaka mawinan sang Kresna kapanah olih Jara. Panak panah punika melakar aji Mosala dane
sampun melebur. Drika Sri Kresna seda, lautt lunga ka swarga loka.
Kacrita Duruka sampun ngikaining sang Pandawa, pinaka para Wresni, Yadawa lan
Andhaka sampun lebur. Lantas sang Arjuna lunga irika ka Dwaraka. Sang Arjuna sampun ked
ring Dwaraka, ditu ia metemu teken Basudewa. Sang basudewa nikain mangda sang arjuna
nyarengin para istri lan ksatria irika ka Hastinapura lantas Sang Basudewa seda. Nanging, ring
tengah margine ka Hastinapura irika sang Arjuna lan anak istri tur ksatria irika ka hadang olih
perampok. Sang Arjuna nenten nyidayang ngelawan, ditu lantas Sang Arjuna sadar, takdir
kaleburan Dwaraka nenten nyidayang ngelidin. Ditu lantas Arjuna matur ring Rsi Byasa. Lantas
Rsi Byasa ngikaining mangda sang pandawa lan drupadi nyalanang tirta yadnya,

PRASHANIKA PARWA
Kacritayang Sang Panca Pandawa lan Dewi Drupadi metilar saking Hastinapura
sesampun Ida Sang Prabu Yudistirangeng sob ka prabon, lan nyerahin prabon ka sang Parikesit.
Sang Panca Pandawa lan Dewi Drupadi medal ka Gunung Himalaya ngantos seda. Seke siki
Sang Panca Pandawa seda ring tengah margine. Lan nyisayang Sang Yudistira. Ring tengah
margine Sang Yudistira kacunduk sareng asu. Asu punika dados timpal sang Yudistira ring
pamargine ngantos ring Puncak Gunung Himalaya. Dewa indra tedun ka gumine mendak Sang
Yudistira jagi ngeranjing ka Suarga Loka.

SWARGAROHANA PARWA
Kacaritayang Sang Yudistira nenten kayun jagi memargi ka Suarga Loka yening jagi
ningalin asu sane setate nyarengin Ida ritatkala jagi memargi ka Suarga Loka. Krana tulus
ningkayun Ida Sang Yudistira, ngeranangin asu punika nglekas dados Ida Bhatara Dharma, sane
nenten lienan wantah aji Ida Sang Yudistira. Bhatara Dharma ngeraosang kawentenan Sang
Yudistira sane sampun lulus ujian sane icen ring Ida Bhatara Dharma. Ritatkala sampun uning
indik kawentenane sane patut, Ida Sang Yudistira kayun memargi ka Suarga Loka. Ring Suarga
Loka, Sang Yudistira ten nyingakin semetonnyane, sakewanten Ida nyingakin semetonnyane
sane memargi ten patut, mekadi Sang Duryodana lan Satus Kurawa. Sesampunne uning
semetonnyane Sang Yudistira magenah ring Neraka, raris Sang Yudistira taler lunga ka neraka,
nika ngranayang Ida Bhatara Indra sungsut ring kayun, nika ngranayang taler Ida Bhatara Indra
ngubah Neraka genah Sang Panca Pandawa meneng dados Suarga Loka.