Վրեժ Պետրոսյան

Վրեժ Պետրոսյան
Ծնվել է	1951
Ծննդավայր	Երևան, Հայաստան
Մահացել է	դեկտեմբերի 21, 2021 (70 տարեկան)
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	ԽՍՀՄ և Հայաստան
Ազգություն	հայ
Մասնագիտացում	կինոօպերատոր, ռեժիսոր, սցենարիստ
Պարգևներ	Հայաստանի Հանրապետության արվեստի վաստակավոր գործիչ, ՀՀ Նախագահի մրցանակի դափնեկիր, ՀՀ Մշակույթի նախարարության ոսկե մեդալի դափնեկիր
IMDb	ID ID 0678139

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Վրեժ Գևորգի Պետրոսյան (սեպտեմբերի 19, 1951(1951-09-19), Երևան, ԽՍՀՄ - դեկտեմբերի 21, 2021(2021-12-21)^[1]), հայ կինոօպերատոր, կինոռեժիսոր, Հայաստանի արվեստի վաստակավոր գործիչ (2009)^[2], ՀՀ Նախագահի մրցանակի մրցանակակիր։

Կենսագրություն

Վրեժ Պետրոսյանը ծնվել է 1951 թվականին Երևանում։ 1957-1967 թվականներին սովորել է Երևանի N108 միջնակարգ դպրոցում։ 1971 թվականին ավարտել է Երևանի շինարարական տեխնիկումի ճարտարապետական բաժինը։ 1983 թվականին ավարտել է Մոսկվայի համամիութենական կինոինստիտուտի կինոօպերատորական բաժինը, Վադիմ Յուսովի արվեստանոցը։ 1976 թվականից աշխատել է Հայֆիլմ կինոստուդիայում։ Որպես բեմադրող օպերատոր և ռեժիսոր նկարահանել է բազմաթիվ ֆիլմեր, որոնք արժանացել են միջազգային կինոմրցանակների։ 2001 թվականից դասավանդում է Երևանի Թատրոնի և Կինոյի Պետական ինստիտուտում, արվեստանոցի ղեկավար է, պրոֆեսոր։

Ֆիլմագրություն

«Դուք ումն եք, ծերուկ» - բեմադրող-օպերատոր, 1983 թվական, Մոսկվա, Գորկու անվան կ/ս, ռեժ. Վ. Պիչուլ
«Ոսկին և հողը» - բեմադրող-օպերատոր, 1984 թվական, Հայֆիլմ, ռեժ. Ա. Մանարյան
«Կապիտան Առաքել» - բեմադրող-օպերատոր, 1985 թվական, Հայֆիլմ, ռեժ. Ա. Մանարյան
«Ապրիլ» - բեմադրող-օպերատոր, 1985 թվական, Հայֆիլմ, ռեժ. Վ. Չալդրանյան
«1954 թվականի ձմեռը» - բեմադրող-օպերատոր, 1985 թվական, Հայֆիլմ, ռեժ. Վ. Մելքոնյան
«Ադամամութ» (Եվ կրկնվում է ամեն ինչ) - բեմադրող-օպերատոր, 1989 թվական, Հայֆիլմ, ռեժ. Բ. Հովհաննիսյան
«Քամին ունայնության» - բեմադրող-օպերատոր, 1991 թվական, Հայֆիլմ, ռեժ. Հ. Խաչատրյան
«Ձայն բարբարոյ...» - բեմադրող-օպերատոր (համատեղությամբ) 1991 թվական, Հայֆիլմ, ռեժ. Վ. Չալդրանյան
«Արարատյան կայարան» - բեմադրող-օպերատոր (համատեղությամբ) 1994 թվական, Հայֆիլմ, ռեժ. Հ. Խաչատրյան
«Անապատի լռության մշտարթուն արձագանքները» - հեղինակ, ռեժիսոր, օպերատոր, 1994 թվական, Հայֆիլմ, Հայ Դատ (Սիրիա)
«Ղարաբաղյան անավարտ օրագիր» - բեմադրող-օպերատոր, 1995 թվական, Հայֆիլմ, Ալմա-Մաթեր
«Անվերջ ձգվող դասամիջոց» - սցենարի հեղինակ, բեմադրող-ռեժիսոր, բեմադրող-օպերատոր, 1996 թվական, Հայֆիլմ, Ալմա-Մաթեր
«Հայերի դանիացի մայրը՝ Քարեն Եփփե» - սցենարի հեղինակ, ռեժիսոր, օպերատոր, 1996 թվական, Հայֆիլմ, Դանիայի Հեռուստատեսություն, Վ. Պետրոսյան, Գ. Հայրապետով
«Ես ապրում եմ ողջերի հետ» - սցենարի հեղինակ, ռեժիսոր, օպերատոր, 2004 թվական, ՀԱՅԿ կ/ս
«Պոետի վերադարձը» - բեմադրող-օպերատոր (համատեղությամբ) 2005 թվական, Հայֆիլմ, ռեժ. Հ. Խաչատրյան
«Ֆրիդ» - սցենարի հեղինակ, ռեժիսոր, օպերատոր, 2006 թվական, Լաթար ստուդիա, Վ. Պետրոսյան
«Լույսի հետք» - սցենարի հեղինակ, բեմադրող-ռեժիսոր, բեմադրող-օպերատոր, 2006 թվական, Հայֆիլմ
«Սահման» - բեմադրող-օպերատոր, 2009 թվական, Հայֆիլմ, ռեժ. Հ. Խաչատրյան
«Ապրելու առաքելություն» - սցենարի հեղինակ, ռեժիսոր, օպերատոր, 2011 թվական, Վ. Պետրոսյան, ՀԱՅԿ կ/ս
«Անվերջ փախուստ, հավերժ վերադարձ» բեմադրող-օպերատոր, 2014 թվական, ՀՀԱԿ, Ոսկե Ծիրան, ռեժ. Հ. Խաչատրյան
«Ուրիշ հայրենիք. Մարիա Յակոբսենի օրագրությունը» - սցենարի հեղինակ, ռեժիսոր, 2014 թվական, ՀԱՅԿ կ/ս
«Պոեմ միայնակ գայլի մասին» - սցենարի հեղինակ, ռեժիսոր, 2016 թվական, Վ. Պետրոսյան

Մրցանակներ

«Ադամամութ» (Եվ կրկնվելու է ամեն ինչ) մրցույթի մասնակից, 1-ին Խորհրդային կինոփառատոնը օպերատորական աշխատանքի համար, Սվերդլովսկ ՌԴ, 1990
«Ձայն բարբարոյ...» Մրցանակ «Ոսկե արծիվ» լավագույն պատկերաշարի համար, ՄԿՓ Թբիլիսի 1993
«Անվերջ ձգվող դասամիջոց», Լավագույն վավերագրական ֆիլմի մրցանակ - Վահագնի, ՀԿՓ 2001
«Ես ապրում եմ ողջերի հետ», Դիպլոմ ՄԿՓ Թեհրան, 2004 թվական, Մրցույթի մասնակից - ՄԿՓ «Ոսկե Ծիրան», 2004
«Ֆրիդ» Մրցույթի մասնակից - ՄԿՓ «Ոսկե Ծիրան», 2005
«Լույսի հետք»
- Մրցանակ «Լավագույն կինոօպերատորական աշխատանք», ՄԿՓ Նաուսսա, Հունաստան, 2007
- Մրցույթի մասնակից - ՄԿՓ «Ոսկե Ծիրան», 2006
- Մրցույթի մասնակից - ՄԿՓ «Կինոշոկ», Անապա, ՌԴ 2006
«Սահման» Հավակնորդ «Լավագույն օպերատորական աշխատանք», ՄԿՓ Հյուստոն, ԱՄՆ 2009
«Ուրիշ հայրենիք. Մարիա Յակոբսենի օրագրությունը» Մրցանակ «Իկոնա» Պատմական և ռազմական ֆիլմերի ՄԿՓ, Վարշավա, Լեհաստան, 2015

Ծանոթագրություններ

Արտաքին հղումներ

Վրեժ Պետրոսյան

[_2976517ba32f0e23-1] 1,0 ^1,1 ^1,2 Մահացել է Վրեժ Պետրոսյանը

[2] Հայաստանի Հանրապետության պատվավոր կոչումներ շնորհելու մասին

[1]

[2]