The printable version is no longer supported and may have rendering errors. Please update your browser bookmarks and please use the default browser print function instead.
Պատկերամարտություն (հուն․՝ εἰκονομαχία, հուն․՝ εἰκόνα - «պատկեր», «սրբապատկեր>»), քաղաքական-կրոնական շարժում Բյուզանդիայում726-842 թվականներին։ Շարժումն ուղղված էր պատկերապաշտության՝ սրբապատկերների պաշտամունքի դեմ, սակայն նրա հիմքում ընկած էր նաև աշխարհիկ և եկեղեցական շահագործման դեմ պայքարը։ Շարժումը սկզբնավորվել է բյուզանդական կայսր Լևոն Գ Իսավրացու կողմից, որը 726 թվականին հրամայել է հանել ԿոստանդնուպոլսիՈսկե դարպասների վրա տեղադրված Հիսուս Քրիստոսի սրբապատկերը։ 730 թվականին հարապարակվել է կայսեր հրովարտակը, որով արգելվում էր սրբապատկերների պաշտամունքը ամբողջ կայսրության տարածքում։ 787 թվականին Նիկիա քաղաքում տեղի է ունեցել եկեղեցական ժողով (հետագայում այդ ժողովը Ուղղափառ եկեղեցիների կողմից ճանաչվել է որպես տիեզերական), որտեղ սրբապատկերների պաշտամունքը վերականգնվել է։ Պատկերամարտության նոր վերելքի շրջանը կապված է Լևոն Ե Հայի կառավարման տարիների հետ (813-820 թվականներ)։ Պատկերամարտությունը վերջնականապես վերացվել է 842-843 թվականներին՝ Թեոդորա կայսրուհու կողմից։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
