Hućinjanska cyrkej
Hućinjanska cyrkej je ewangelsko-lutherska cyrkej w Hućinje w Budyskim wokrjesu. Wona słuži ewangelskej wosadźe Malešecy-Hućina w cyrkwinskim wobwodźe Budyšin-Kamjenc ewangelskeje krajneje cyrkwje w Sakskej. Hač do druheje połojcy 20. lětstotka je so tu tež serbsce prědowało.
Hućinjanski kěrchow nadeńdźe so wokoło cyrkwje. Tam steji tež wojerski pomnik za padnjenych Prěnjeje swětoweje wójny z lěta 1924 ze serbskim napisom.
Ewangelska cyrkej w Hućinje steji jako kulturny pomnik pod škitom.
Stawizny
[wobdźěłać | žórłowy tekst wobdźěłać]Dźensniša cyrkej bě w běhu Bitwy pola Budyšina wupaliła a so potom wot lěta 1816 wobnowiła.
Wosada
[wobdźěłać | žórłowy tekst wobdźěłać]Do historiskeje Hućinjanskeje wosady słušeja wjeski Brězyna, Hlina, Lemišow, Nowa Wjeska a dźěl Bukojny. Teritorij słuša dźensa k wulkowosadźe „Při Lubaće“.
Fararjo
[wobdźěłać | žórłowy tekst wobdźěłać]| doba | mjeno | ródna wjes | žiwjenske daty | přispomnjenja |
|---|---|---|---|---|
| 1747–1787 | Ludwig Lieckefett | Gedenstädt p. Hildesheima | 1714–1787 | |
| 1787–1821 | Jan Jurij Hejduša (Grützner) | Klukš | 1755–1821 | do toho tule jako substitut |
| 1822–1824 | Jan Bohalub Bajer | Wjelećin | 1797–1829 | po tym we Wjelećinje |
| 1824–1834 | Jurij Arnošt Mróz | Wjelećin | 1795–1872 | po tym w Malešecach |
| 1835–1842 | Jan Křesćan Nächster | Budyšin | 1807–1851 | po tym w Malešecach |
| 1843–1863 | Korla Herman Robert Rjeda | Smělna | 1816–1900 | po tym w Barće |
| 1863–1880 | Jan Sommer | Malešecy | 1834–1915 | do toho wyši wučer w Lubiju, po tym w Burkersdorfu p. Frauensteina |
| 1881–1912 | Jan Handrij Matyjk | Wujezd | 1852–1928 | do toho w Schönbergu, Bohotska; po tym emeritowany |
| 1913–1917 | Korla Božidar Křižan | Hodźij | 1886–1924 | do toho tule wikar, po tym farar w Rakecach |
| 1920–1946 | Korla Jan Wićaz | Bukecy | 1890–1946 | jeničke farske městno |
| 1947–1973 | Arnošt Hornčer | Wóspork | 1909–1973 | do toho we Łupoji |
Hornčer bě posledni serbski farar w Hućinje a zdobom scyła posledni samostatneje Hućinjanskeje wosady.
Wobrazy
[wobdźěłać | žórłowy tekst wobdźěłać]-
Cyrkwina wěža -
Zachodne durje -
Tafla nad zachodom -
Wojerski pomnik před cyrkwju -
Narowne kamjenje sowjetskich wojakow
Literatura
[wobdźěłać | žórłowy tekst wobdźěłać]- Cornelius Gurlitt: Guttau. W: Beschreibende Darstellung der älteren Bau- und Kunstdenkmäler des Königreichs Sachsen. 31. Zwjazk: Amtshauptmannschaft Bautzen (I. Teil). C. C. Meinhold, Dresden 1908, str. 94–96.
Wotkazaj
[wobdźěłać | žórłowy tekst wobdźěłać]
Commons: Ewangelska cyrkej w Hućinje – Zběrka wobrazow, widejow a awdiodatajow- Wopisanje Hućinjanskeje wosady w Statistice Łužiskich Serbow Arnošta Muki (digitalizat)
Bart | Bukecy | Budestecy | Budyšink | Budyšin, swj. Pětr | Budyšin, swj. Michał | Halštrow | Hodźij | Horni Wujězd | Hrodźišćo | Hućina | Huska | Chwaćicy | Klukš | Korzym | Kotecy | Kumwałd | Łupoj | Malešecy | Minakał | Njeswačidło | Palow | Porchow | Poršicy | Protecy | Rakecy | Smělna | Smječkecy | Wjelećin | Wóslink | Załom