Severino Reija
| Biografía | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 25 de novembro de 1938  (86 anos)Lugo, España | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||
| Período de actividade | 1957 - 1969 | ||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||
| xullo de 1966 | Mundial de Fútbol Inglaterra 1966 | ||||||||||||||||||||||||||||||||||||||||||||||||||||||
| xuño de 1964 | Eurocopa de Fútbol España 1964 | ||||||||||||||||||||||||||||||||||||||||||||||||||||||
| 1962 | Mundial de Fútbol Chile 1962 |
||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||
Severino Reija Vázquez, nado en Lugo o 25 de novembro de 1938, é un exfutbolista galego, que xogaba de lateral e extremo esquerdo. Tras debutar con 19 anos no Deportivo da Coruña, foi traspasado ao Zaragoza, converténdose nos seguintes anos nun dos futbolistas máis importantes da historia do club aragonés. Disputou con el 347 partidos oficiais e viviu os anos máis gloriosos, conquistando dúas Copas do Xeneralísimo e unha Copa de Feiras.
Foi internacional coa selección española en 20 ocasións, disputando os Mundiais de 1962 e 1966, e formando parte do equipo que conquistou a Eurocopa de 1964.
Traxectoria
[editar | editar a fonte]Naceu en 1938 en Lugo, sendo o quinto dos seis fillos dun empregado de Renfe. Un ano despois trasladouse coa súa familia á Coruña, onde estudou no colexio dos salesianos.[1] Alí comezou a xogar ao fútbol no equipo do colexio, coincidindo con Guillermo Martínez,[2] e logo pasou á canteira do Oza Juvenil, onde xogou tres anos.[3] Co equipo xuvenil do barrio de Monelos, proclamouse campión galego e disputou a Copa do Xeneralísimo Xuvenil, caendo nos oitavos de final contra o Arcés de Valladolid.[4] Ademais foi convocado por Rodrigo para a selección galega xuvenil, onde concidiu entre outros con Amancio,[5] e preseleccionado para a selección española xuvenil.[6]
En agosto de 1957, despois de ter disputado só tres partidos co primeiro equipo do Oza e de ter realizado unhas probas co Sporting de Gijón, fichou polo Deportivo da Coruña.[6] Debutou na Segunda División con 18 anos, na segunda xornada da tempada 1957/58 contra o Indautxu en Garellano.[7] Xogou dúas tempadas co club branquiazul, disputando un total de 37 partidos oficiais e marcando 4 goles.
En abril de 1959 foi traspasado ao Real Zaragoza,[8] co que debutou en Primeira División o 13 de setembro de 1959 nunha derrota por 2-1 contra o Real Valladolid no José Zorrilla. No club aragonés coincidiu cos tamén galegos Rodolfo, Marcelino, Wilson Jones, Cortizo e Mauro, afianzándose no equipo titular e disputando 31 partidos na súa primeira tempada. Ocupou xunto con Carlos Lapetra a banda esquerda do equipo durante os seguintes anos, xogando tanto de lateral como de extremo.[9]
Xogou unha década no Zaragoza, disputando 347 partidos oficiais, sendo no momento da súa retirada o futbolista con máis encontros da historia do club. Xogou catro finais consecutivas da Copa do Xeneralísimo, gañando as de 1964 e 1966 e proclamouse campión da Copa de Feiras na tempada 1963/64, despois de derrotar na final ao Valencia. Xogou tamén a final da Copa de Feiras 1965/66, onde o equipo adestrado por Ferdinand Daučík caeu derrotado contra o FC Barcelona de Roque Olsen na prórroga.[10] Na liga, o equipo rematou entre os cinco primeiros durante oito tempadas consecutivas. Ao remate da tempada 1968/69 deixou o Zaragoza e colgou as botas.
Selección nacional
[editar | editar a fonte]Foi 20 veces internacional coa selección española entre 1962 e 1967. Foi convocado para o Mundial de 1962 en Chile sen ter xogado antes ningún partido coa selección. Debutou en Viña del Mar o 31 de maio de 1962, no primeiro partido do equipo no campionato, contra Checoslovaquia, formando na defensa xunto con Rivilla, Santamaría e Segarra.[11] A selección española perdeu ese partido, no que Reija acabou cunha lesión de menisco, e quedou eliminada na primeira fase.[12]
Formou parte da selección española que se proclamou campioa da Eurocopa de 1964, despois de derrotar na final á Unión Soviética de Lev Iashin, aínda que non chegou a xogar ningún partido no torneo. Dous anos despois disputou o seu segundo Mundial, Inglaterra 1966, xogando dous encontros, fronte a Suíza e Alemaña, e quedando de novo eliminados na fase de grupos.
Vida persoal
[editar | editar a fonte]Casou coa aragonesa María del Carmen Gracia Olariz, coa que tivo cinco fillos.[2]
Palmarés
[editar | editar a fonte]Zaragoza
- Copa de Feiras (1): 1963/64.
- Copa do Xeneralísimo (2): 1964, 1966.
Selección española
Notas
[editar | editar a fonte]- ↑ "Los mundialistas gallegos". La Voz de Galicia (en castelán). 1 de xullo de 1990. p. 116.
- ↑ 2,0 2,1 Guillín, Pepe. "Severino Reija, el gran lateral" (en castelán). Arquivado dende o orixinal o 21 de decembro de 2021. Consultado o 21 de decembro de 2021.
- ↑ "Soy un jugador que salgo a darlo todo por el club". La Noche (en castelán) (11752). 13 de maio de 1959. p. 5. Consultado o 20 de decembro de 2021.
- ↑ "El Oza Juvenil eliminado de los octavos de final por el Arcés de Valladolid al perder por dos a uno". La Noche (en castelán). 20 de maio de 1957. p. 3. Consultado o 21 de decembro de 2021.
- ↑ "Jugadores juveniles seleccionados para el equipo gallego". El Pueblo Gallego (10875). 27 de xaneiro de 1957. p. 10. Consultado o 21 de decembro de 2021.
- ↑ 6,0 6,1 "Reija ficho por el Deportivo". La Noche (en castelán) (11370). 28 de agosto de 1957. p. 5. Consultado o 21 de decembro de 2021.
- ↑ "El Deportivo, más defensivo que ofensivo, perdió en Bilbao por un penalty dudoso". La Noche (en castelán). 23 de setembro de 1957. pp. 1,4. Consultado o 21 de decembro de 2021.
- ↑ "Reija ha fichado por el Zaragoza". La Noche (en castelán) (11725). 11 de abril de 1959. p. 3. Consultado o 21 de decembro de 2021.
- ↑ Martín Cisneros, Ignacio (27 de xaneiro de 2014). "Severino Reija: "Fue un pecado que el Zaragoza no fuese la base de la selección"" (en castelán). Consultado o 21 de decembro de 2021.
- ↑ "El Barcelona se proclamó campeón de la Copa de Ferias de la pasada temporada". El Progreso (en castelán) (18390). 22 de setembro de 1966. p. 6. Consultado o 21 de decembro de 2021.
- ↑ "Checoslovaquia venció a España por un gol a cero". La Noche (en castelán) (12541). 1 de xuño de 1962. p. 5. Consultado o 21 de decembro de 2021.
- ↑ "Di Stéfano no podrá jugar contra Méjico". El Pueblo Gallego (en castelán) (18660). 2 de xuño de 1962. p. 12. Consultado o 21 de decembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).
- Datos do xogador Arquivado 21 de decembro de 2021 en Wayback Machine. no sitio web oficial da selección española (en castelán).
- Datos do xogador en futbol.sportec.es (en castelán)
|  | |
| ||
| ||
| Control de autoridades |
|
|---|
- Nados en 1938
- Nados en Lugo
- Deportistas de Lugo
- Futbolistas de Lugo
- Futbolistas da Coruña
- Defensas de fútbol
- Centrocampistas de fútbol
- Xogadores do Deportivo da Coruña
- Xogadores do Real Zaragoza
- Xogadores da selección de fútbol de España sub-21
- Xogadores da selección de fútbol de España
- Xogadores do Mundial de Fútbol de 1962
- Xogadores do Mundial de Fútbol de 1966
- Futbolistas gañadores da Eurocopa