Saltar ao contido

Raja Ravi Varma

Na Galipedia, a Wikipedia en galego.
Modelo:BiografíaRaja Ravi Varma

Editar o valor en Wikidata
Nome orixinal(ml) രാജാ രവി വര്മ്മ Editar o valor en Wikidata
Biografía
Nacemento29 de abril de 1848 Editar o valor en Wikidata
Kilimanoor, India (en) Traducir Editar o valor en Wikidata
Morte2 de outubro de 1906 Editar o valor en Wikidata (58 anos)
Attingal, India (en) Traducir Editar o valor en Wikidata
EducaciónUniversity College Trivandrum (pt) Traducir Editar o valor en Wikidata
Actividade
Campo de traballoItihāsa Editar o valor en Wikidata
Lugar de traballo India Editar o valor en Wikidata
Ocupaciónpintor, creador Editar o valor en Wikidata
Xénero artísticoRetrato Editar o valor en Wikidata
Obra
Obras destacables
Familia
Cónxuxesen valor Editar o valor en Wikidata
FillosRama Varma Editar o valor en Wikidata
IrmánsC. Raja Raja Varma Editar o valor en Wikidata
Sinatura Editar o valor en Wikidata
IMDB: nm1505181 Musicbrainz: 90e62988-3a4d-4bbd-bdb2-f28e23c89bd6 Editar o valor en Wikidata

Raja Ravi Varma (en malayalam രാജാ രവി വര്മ്മ), nado en Kilimanoor o 29 de abril de 1848 e finado en Attingal o 2 de outubro de 1906 foi un pintor indio do estado principesco de Thiruvithamkur, na actual Kerala, no extremo suroeste da India.[1] Está considerado un dos máis grandes pintores da historia da arte india.

Alcanzou o recoñecemento pola súa representación de escenas das míticas epopeas do Mahabharata e o Rāmāyaṇa, dous textos épico-relixiosos do século III a. C.

Os seus cadros están considerados entre os mellores exemplos da fusión das tradicións indíxenas coa técnicas da arte académica europeo.

Durante a súa vida, Varma foi recoñecido polas súas pinturas de fermosas mulleres vestidas con sari, que eran presentadas como proporcionadas e elegantes. As pinturas de Varma convertéronse nun motivo importante no kitsch e as súas reproducións atópanse en case todos os fogares de clase media da India.[2]

Traxectoria

[editar | editar a fonte]

Primeiros anos

[editar | editar a fonte]

Raja Ravi Varma naceu co nome de Ravi Varma Koil Thampuran do palacio Kilimanoor, no antigo estado principesco de Thiruvithankur (Travancore) en Kerala. A súa nai, Uma-Iamba Thampuratti (falecida en 1886) foi unha poeta e escritora cuxa obra Párvati suaiam-varam ("O casamento de [a deusa] Uma") foi publicada polo seu fillo Raja Ravi Varma despois da súa morte. Os seus irmáns foron C. Goda Varma (nado en 1854), C. Raja Raja Varma (1860-1933) e Mangala Bayi Thampuratti, que tamén era pintora.

A temperá idade conseguiu o patrocinio económico do seu parente maharaja Ayilyam Thirunal (de Travancore), e a partir de entón iniciouse na capacitación formal.[3] Formouse en acuarela con Suami Rama Naidu e máis tarde en pintura ao óleo co retratista neerlandés Theodor Jenson.

Carreira de arte

[editar | editar a fonte]
Galaxia de músicas, óleo.

O seu descubrimento en Occidente chegou cando gañou o primeiro premio da Exposición de Arte de Viena, en 1873. As pinturas de Raja Ravi Varma tamén foron enviadas á Exposición Colombiana Mundial, celebrada en Chicago en 1893, onde foi galardoado con dúas medallas de ouro.[4]

Varma viaxou pola India en busca de modelos e temas. A miúdo o seu modelo para as deusas hindús eran mulleres do sur da India, a quen consideraba as máis fermosas. Ravi Varma é particularmente recoñecido polas súas pinturas que representan episodios das lendas de Dushyanta e Shakuntala, e de Nala e Damayanti, do texto épico relixioso Mahabharata.

A representación que fixo Ravi Varma das personaxes mitolóxicas converteuse nunha parte integral da imaxinación hindú. A miúdo foi criticado por un estilo demasiado vistoso e sentimental, mais o seu traballo segue a ser moi popular na India. Moitas das súas pinturas están dispoñibles no palacio Laksmi Vilas, en Vadodara.

Raja Ravi Varma morreu en 1906 á idade de 58 anos.

Vida persoal

[editar | editar a fonte]
A cabana que Varma utilizou como estudio durante a súa estadía no palacio Laksmi Vilas.
Aquí vén papá (1893). A muller retratada é Mahaprabha Thampuratti de Mavelikara, filla do artista e nai de Sethu Lakshmi Bayi.

Raja Ravi Varma estivo casado con Pururuttathi Nal Bhagirathi Amma Thampuran (Kochu Pangi), da casa real de Mavelikara, con quen tivo dous fillos e tres fillas:

  • O seu fillo máis vello, Kerala Varma, nado en 1876, desapareceu en 1912 e nunca máis se soubo del.
  • O seu segundo fillo foi Rama Varma (nado en 1879), un artista que estudou na Escola de Artes JJ, Mumbai, casado con Srimathi Gowri Kunjamma, irmá de Dewan PGN Unnithan.
  • A filla máis vella de Raja Ravi Varma Ayilyam Nal Mahaprabha Thampuran, apareceu en dous dos seus cadros prominentes e foi a nai de Maharani Pooradam Thirunal Sethu Laksmi Bayi de Travancore.
  • Tivo unha segunda filla, Thiruvadira Nal Kochukunji Thampuran, avoa de Chithira Thirunal Balarama Varma Maharás.
  • A súa terceira filla, nada en 1882, foi Ayilyam Nal Cheria Kochamma Thampuran.

Os seus descendentes forman parte da casa real de Mavelikara, mentres dúas das súas netas, incluída a mencionada Sethu Laksmi Bayi, foron adoptadas pola familia real de Travancore, primo da familia da casa Mavelikara. Ben coñecidos entre os seus descendentes son, entre outros:

  • o escritor ShriKumar Varma (príncipe Punardam Thirunal),
  • a artista Rukmini Varma (princesa Bharani Thirunal),
  • o artista Jay Varma,
  • o músico clásico Aswathi Thirunal Rama Varma.

Premios

[editar | editar a fonte]

En 1904, o vicerrei George Curzon (1859-1925), en nome do emperador británico, outorgoulle baixo a medalla de ouro Kaiser-i-Hind. Nese momento o seu nome foi mencionado por primeira vez como "Raja Ravi Varma", sendo nomeado de acordo coa tradición marumakkathayam, co nome do seu tío materno (Raja Raja Varma). A partir de entón sempre se fixo chamar Raja Ravi Varma.

En 1993, o crítico de arte Rupika Chawla e o artista A. Ramachandran realizaron conxuntamente unha grande exposición das obras de Raja Ravi Varma no Museo Nacional de Nova Deli.

Premio Raja Ravi Varma

[editar | editar a fonte]
Murugan

Tendo en conta a enorme contribución de Varma á arte da India, o Goberno de Kerala instituíu un premio chamado Rajaravivarma Puraskaram, que se outorga cada ano a persoas que demostran excelencia no campo da arte e a cultura.

O renovado interese por Raia Ravi Varma pódese apreciar no ámbito da cultura popular, en filmes e vídeos musicais, onde comezaron a usar as súas imaxes.

En Mavelikara (estado de Kerala) creouse unha universidade dedicada ás artes plásticas que tamén leva o seu nome. A escola secundaria Raia Ravi Varma en Kilimanoor foi nomeada na súa honra e hai moitas organizacións culturais en todo o estado de Kerala co seu nome.

O seu palacio atópase a seis quilómetros de Ponganadu, a 7 km de Pazhayachanda e 36 km de Trivandrum (capital de Kerala).

[editar | editar a fonte]
A dama de Maharastra.

En 2008, o cineasta Ketan Mehta dirixiu o filme Rang rasiya sobre a vida de Raja Ravi Varma na que o actor Randip Hooda interpretou o papel do artista.

En 2010, o cineasta indio Lenin Rajendran realizou un filme malayalam chamado Makara-manju ("A néboa de Capricornio"), que narra unha parte da vida de Raja Ravi Varma. Sivan Santhosh desempeñou o papel principal.

A pesar de non ser moi coñecido no resto do mundo, os indios lémbrano como o seu gran pintor.

Notas

[editar | editar a fonte]
  1. ↑ Om Prakash Joshi: Sociology of indian art (pág. 40). Rawat Publications, 1985.
  2. ↑ Partha Mitter: Art and nationalism in colonial India, 1850-1922: occidental orientations, capítulo 5: «Raja Ravi Varma: the artist as charismatic individual» (páxs. 179–215). Nova York: Cambridge University Press, 1994. ISBN 978-0-521-44354-8. Consultado o 12 de decembro de 2011.
  3. ↑ Erwin Neumayer e Christine Schelberger (editores): The diary of C. Rajaraja Varma (biografía do irmán máis novo do pintor). Londres: [Oxford University Press].
  4. ↑ Kilimanoor Chandran: Ravi Varmayum chitrakalayum (en malayalam). Kerala: Department of Culture, 1998.

Véxase tamén

[editar | editar a fonte]

Bibliografía

[editar | editar a fonte]
  • Raja Ravi Varma: Painter of Colonial Indian, Rupika Chawla, Pub: Mapin Publishing, Ahmedabad, marzo de 2010.
  • Raja Ravi Varma – Oleographs Catalogue, D.Jegat Ishwari, Pub: ShriParasuraman, Chennai, 2010, ISBN 9788191002614
  • The Painter: A life of Ravi Varma, Deepanjana Pal Random House India, 2011 ISBN 9788184002614
  • Raja Ravi Varma – The Most Celebrated Painter of India: 1848–1906, Parsram Mangharam, Bangalore, 2007
  • Raja Ravi Varma – The Painter Prince: 1848–1906, Parsram Mangharam, Bangalore, 2003
  • Raja Ravi Varma and the Printed Gods of India, Erwin Neumayer & Christine Schelberger, Nova Deli, Oxford University Press, 2003
  • Raja Ravi Varma: The Most Celebrated Painter of India : 1848 – 1906, Classic Collection, Vol I & II. Bangalore, Parsram Mangharam, 2005
  • Raja Ravi Varma: Portrait of an Artist, The Diary of C. Raja Raja Varma, edited by Erwin Neumayer and Christine Schelberger. Nova Deli, Oxford University Press, 2005
  • Photos of the Gods: The Printed Image and Political Struggle in India, Christopher Pinney. Londres, Reaktion Book, 2004
  • Raja Ravi Varma:Raja Ravi Varma, E.M Joseph Venniyur, former director of AIR
  • Raja Ravi Varma: A Novel, Ranjit Desai, Pub: Harper Perennial (2013), ISBN 9789350296615

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Raja_Ravi_Varma&oldid=6891860»