Osorno, Chile

Osorno, Chile
Localización
	40°34′S 73°09′O / -40.57, -73.15
Estado	Chile
Rexión	Rexión de Los Lagos
Provincia	Provincia de Osorno
Comuna	Osorno (en)
Capital de	Provincia de Osorno ; Osorno (en)
Poboación
Poboación	147.460 (2017) (155,01 hab./km²)
Xeografía
Superficie	951,3 km²
Altitude	39 m
Creación	12 de marzo de 1558
Identificador descritivo
Fuso horario	UTC−04:00
Outro
Irmandado con	Bariloche (pt) ; Blumenau
Sitio web	municipalidadosorno.cl

Osorno é un municipio, cidade e comuna de Chile con 145.475 habitantes (INE 2002). Foi fundado en 1558 como municipio e ten unha superficie de 951 km². Está localizada a 945,8 km ó sur de Santiago de Chile, e 232 km ó oeste da cidade arxentina de San Carlos de Bariloche. É o eixo de unión entre dúas capitais rexionais, Valdivia e Puerto Montt.

Osorno é o principal centro de servizos de agricultura e gandería do norte da rexión de Los Lagos. A herdanza cultural da cidade é unha mestura de influencias españolas, huilliche e alemás.

Historia

Xeneral Ambrosio O'Higgins, fundador e Marqués de Osorno

Vella Osorno

A cidade foi orixinalmente concibida para ser construída en 1553 polo Tenente Xeneral Francisco de Villagra co nome de Santa Marina de Gaete no sitio dunha vila huilliche chamada Chauracavi. Porén, a morte do gobernante Pedro de Valdivia impediu a realización do plan cando estaba a piques de materializarse.

O 27 de marzo de 1558, a cidade foi finalmente fundada polo gobernador García Hurtado de Mendoza, que lle puxo o nome de Villa de San Mateo de Osorno na honra do seu avó, conde de Osorno. Foi destruída polo pobo huilliche en outubro de 1602.

Nova Osorno

O 22 de novembro de 1792, Tomás de Figueroa tomou posesión das ruínas da cidade. Baixo as ordes de Ambrosio O'Higgins, Osorno foi reconstruída por Juan Mackenna, e declarouse repoboada en 1796. A O'Higgins, en compensación, foi outorgado o título de Marqués de Osorno.