Orazo, A Estrada

Orazo
Igrexa de San Pedro de Orazo.
Concello	A Estrada
Provincia	Pontevedra
Coordenadas	42°44′22″N 8°21′10″O
Poboación	327 hab. (2012)
Entidades de poboación	11
[ editar datos en Wikidata ]

San Pedro de Orazo é unha parroquia que se localiza no concello da Estrada. Segundo o IGE en 2012 tiña unha poboación de 327 persoas (185 mulleres e 165 homes), distribuídos en 11 entidades, o que supón unha diminución respecto de 1986 cando tiña 489 habitantes. En 1842 tiña unha poboación de feito de 407 persoas.

Patrimonio

• Igrexa de San Pedro de Orazo, románica. A igrexa primitiva foi doada a Santiago en 1115 pola raíña Dona Urraca, quedando seis pedras de cantería con inscricións. De planta basilical, de tres naves e unha ábsida de planta cuadrangular. Os muros de separación das naves conservan case intacta a obra orixinal do século X.
• Casa de Ulloa.
• Hórreo de Baldarís.
• Cruceiro da igrexa.

Eventos

En maio celébrase a festa de santa Lucía, e a finais de xuño celébrase san Pedro. En verán celébrase o festival Manguel Folk, e no mes de novembro lévanse a cabo unhas xornadas micolóxicas. Outros eventos celebrados cada ano son o entroido ou o magosto.

Galería de imaxes

• 
  Igrexa de San Pedro de Orazo.
• 
  Cruceiro de Orazo.

Véxase tamén

Bibliografía

• Cabeza Quiles, Fernando (2019). Toponimia da Estrada (PDF). RAG - Asociación Galega de Onomástica. ISBN 978-84-947823-6-7. Arquivado dende o orixinal (PDF) o 12 de abril de 2019. Consultado o 14 de abril de 2019. 

Outros artigos

• Lugares da Estrada