Lois VI de Francia

Lois VI de Francia
	;
Nome orixinal	(fr) Louis VI de France
Biografía
Nacemento	1 de decembro de 1081 ; París, Francia
Morte	1 de agosto de 1137 (55 anos); Château de la Douye, Francia (en)
Causa da morte	morte natural
Lugar de sepultura	Basílica de Saint-Denis
Rei dos francos
	30 de xullo de 1108 – 1 de agosto de 1137 ; ← Filipe I de Francia – Lois VII de Francia →
Datos persoais
Relixión	Cristianismo
Actividade
Ocupación	monarca
Outro
Título	Conde ; Rei dos francos
Familia	Dinastía dos Capetos
Cónxuxe	Adela de Saboia (1115 (Gregoriano)–); Lucienne de Rochefort (1104 (Gregoriano)–)
Parella	Marie de Breuillet
Fillos	Isabelle de France, fillo ilexítimo; () Marie de Breuillet; Filipe de Francia, Arquidiácono de París; () Adela de Saboia; Filipe de Francia; () Adela de Saboia; Lois VII de Francia; () Adela de Saboia; Enrique de Francia, Arcebispo de Reims; () Adela de Saboia; Roberto I de Dreux; () Adela de Saboia; Pedro I de Courtenay; () Adela de Saboia; Constanza de Francia, condesa de Tolosa; () Adela de Saboia
Pais	Filipe I de Francia e Berta de Holanda
Irmáns	Constança de França; Cecília de França
Descrito pola fonte	Dicionario Enciclopédico Brockhaus e Efron; The Nuttall Encyclopædia >>>:Louis VI., le Gros; Encyclopædia Britannica

Lois VI de Francia^[1] ou Luís VI de Francia, o Gordo ou o Batallador^[2], nado en París o 1 de decembro de 1081 e finado en Bethisy (Picardía) en 1137, foi rei de Francia entre 1108 e 1137.

Traxectoria

Orixes familiares

Nado en París no seo da dinastía Capeto, foi o segundo fillo, o primeiro varón, do rei Filipe I de Francia e a súa primeira esposa, Berta de Holanda.^[3] Era neto por liña paterna de Henrique I de Francia e Ana de Kíiv, e por liña materna de Florián I de Holanda e Xertruda de Saxonia.

Matrimonios e descendentes

Casou no 1104 con Lucía de Rochefort, filla de Guido II de Rochefort e Isabel de Crecy. Desta unión naceu unha filla, a princesa Isabel de Francia (1105 - 1175), casada en 1119 co seu primo Guillerme de Vermandois.

En 1107, Lois VI de Francia conseguiu divorciarse da súa muller para casar de novo. Casou, en segundas nupcias, o 4 de maio de 1115 en París con Adelaida de Savoia, filla do conde Humberto II de Savoia e Xisela de Borgoña. Desta unión naceron:

O príncipe Filipe de Francia (1116 - 1131), morto dun accidente de cabalo
O príncipe Lois VII o Mozo (1120 - 1180), rei de Francia.
O príncipe Henrique de Francia (1121 - 1175), bispo de Beauvais e arcebispo - duque de Reims.
O príncipe Hugo de Francia (c. 1123 - morto moi novo).
O príncipe Roberto I de Dreux (1123 - 1188), conde de Dreux.
A princesa Constanza de Francia (1124 - 1180), casou en 1140 con Eustaquio IV de Boloña e 1154 con Ramón V de Tolosa.
O príncipe Filipe de Francia (1125 - 1161), bispo de París.
O príncipe Pedro de Courtenay (1126 - 1183), casou en 1152 con Isabel de Courtenay.

Ascenso á coroa

Foi nomeado herdeiro e coroado rei en 1101, como mandaba a tradición capeta en vida aínda do monarca. Á morte do seu pai en 1108 sucedeuno na coroa francesa a pesar da oposición da segunda esposa do rei francés, Bertrada de Montfort. Esta tentou matalo en varias ocasións para que o fillo que tivera co rei puidese sucedelo.

Lois VI de Francia estivo a piques de caer en mans inglesas durante a batalla de Bremule en 1119, en Normandía, contra o exército de Henrique I. Un soldado normando conseguiu coller as rendas do seu cabalo e, eufórico, clamou: "Capturei o rei!". Non obstante, o monarca galo, enfadado, bateu no seu captor e, mentres fuxía, dixo: "Nunca se pode capturar un rei, nin sequera no xadrez!" ^[4].

Foi un rei enérxico, que tivo como colaborador o abade Suger de Saint-Denis. Pasou a maior parte do seu reinado pacificando a rexión da Illa de Francia e combatendo incursións dos señores feudais. Foi un administrador capaz e consolidou o patrimonio, outorgando privilexios ás cidades e creou comunidades rurais, ás que atraeu os agricultores mediante a concesión de franquías.

Lois VI o Gras morreu o 1 de agosto de 1137 no castelo de Béthisy, preto de Amiens, sendo enterrado na catedral de Saint-Denis.

Notas

↑ "Guía de nomes galegos". Real Academia Galega. Consultado o 2023-12-09.
↑ Académie des inscriptions et belles-lettres Histoire littéraire de la France 1841 pàgina 656
↑ Philippe Delorme (2001). Aliénor d'Aquitaine : épouse de Louis VII, mère de Richard Coeur de Lion (en francès).
↑ Isabel Margarit. Historia y Vida - 495 - Tesoros del Nil (en castellà). Prisma Publicaciones. ISSN 0018-2354.

Véxase tamén

Bibliografía

"Luís". Diciopedia do século 21 2. Do Cumio, Galaxia e do Castro. 2006. pp. 1259–1260. ISBN 978-84-8288-942-9. Nome de dezaoito reis de Francia...

[1] "Guía de nomes galegos". Real Academia Galega. Consultado o 2023-12-09.

[2] Académie des inscriptions et belles-lettres Histoire littéraire de la France 1841 pàgina 656

[3] Philippe Delorme (2001). Aliénor d'Aquitaine : épouse de Louis VII, mère de Richard Coeur de Lion (en francès).

[4] Isabel Margarit. Historia y Vida - 495 - Tesoros del Nil (en castellà). Prisma Publicaciones. ISSN 0018-2354.

[1]

[2]

[3]

[4]