Laureano Ruiz

Laureano Ruiz
Biografía
Nacemento	21 de outubro de 1937 (86 anos); Escobedo, España
Actividade
Ocupación	futbolista, adestrador de fútbol
Deporte	fútbol
Posición de xogo	Defensa
1956–1962
Traxectoria

Laureano Ruiz Quevedo, nado en Escobedo (Villafufre, Cantabria) o 21 de outubro de 1937, foi un futbolista e adestrador de fútbol.

Traxectoria

Aos 18 anos pasou das categorías inferiores ao primeiro equipo do Racing de Santander e a adestrar ao equipo xuvenil. Aos 24 fichou polo Ximnástica de Torrelavega, manténdose como adestrador dos equipos xuvenís do Racing.

Aos 28 anos deixou de xogar a fútbol e pasou a adestrar o Racing de Santander, sendo o técnico máis xove do estado no seu momento.

A súa carreira de adestrador combinada con labores de dirección levouno ao FC Barcelona e ao seu filial, para despois fichar polo Celta de Vigo en 1978 para suplir a José María Maguregui.

Dirixiu o equipo vigués durante unha soa tempada, na que o equipo repleto de baixas como a de Carlos Fenoy, Ademir Vieira ou Juan descende a Segunda División outra vez.

Ao rematar esa tempada decide deixar o Celta e fichar polo Racing de Santander, sería substituído polo ex xogador do Celta Pedrito.

É o único técnico que ata o momento dirixiu equipos en tódalas categorías, dende Primeira División ata Benxamíns. Actualmente é o director da Escola Municipal de Santander.

Como adestrador acadou o título máis alto, adestrador nacional de honra. Tamén foi mestre de técnica e táctica nas Escolas de Cantabria e Cataluña.

Véxase tamén

Ligazóns externas

Marcos L. Bacariza (18 de outubro de 2010). "Laureano Ruiz". Yo entrené al Celta (en castelán).