An Altóir

An Altóir

an Altóir
Ainm Laidine (IAU)	Ara
Nod	Ara
Ginideach Laidine	Arae
Siombalaíocht	an Altóir
Dronairde	17.39 h
Diallas	−53.58°
Achar	237 céim cearnach Céim 63ú
Líon na réaltaí (amharcmhéid < 3)	1
Réalta is gile	β Ara (méid 2.9)
Dreigecheathanna	Dada
Réaltbhuíonta ar theorainn leista	Coróin an Deiscirt an Scairp an Riail Triantán an Deiscirt Éan Parthais an Phéacóg an Teileascóp
Infheicthe sna leithid idir +25° agus −90° Sárfheicthe i rith na míosa seo: Iúil an infheictheacht is fearr

Is réaltbhuíon dhoiléir ó dheas í an Altóir idir réaltbhuíon an Cheinteáir agus ceann an Fhaolchú. As Laidin tugtar Ara uirthi, sin le rá altóir.

Príomhghnéithe

• β Ara: tá an réalta seo – an réalt is gile de chuid na hAltóra – ar méid dhealraitheach 2.9.

• γ Ara: is réalta dhúbailte í seo, atá díreach ó dheas de β.

• μ Ara: ceaptar go bhfuil trí phláinéad ar a laghad ag fithisiú an réalta seo, agus ceann acu de nádúr carraigeach de réir cosúlachta.

Réada suntasacha domhainspéire

• NGC 6397: téann Bealach na Bó Finne thar taobh thiar thuaidh na hAltóra, áit a bhfuil go leor réaltbhraislí oscailte is réaltnéalta idirleata inti. Tá NGC 6397 ar an gceann is gile i measc na réaltbhraislí cruinneogacha san Altóir; tá an bhraisle seo 8,200 solasbhliain i bhfad ón ngrianchóras s'againne agus b'fhéidir go bhfuil sí ar an gceann is giorra i measc braislí de shaghas sin.

• NGC 6193: réaltbhraisle oscailte

Stair

Dealaíodh an réaltbhuíon seo ón gCeinteár agus ón bhFaolchú trí idirchur réaltbhuíon na Rialach, a chum an tAb Nicolas Louis de Lacaille sa bhliain 1790.

Miotaseolaíocht

Ionannaíodh an Altóir, léirithe bunoscionn de ghnáth ach uaireanta ina seasamh agus an deatach ag éalú isteach i mBealach na Bó Finne, le haltóir an cheinteáir Chiron; Ara Centauri an seanainm Laidine a bhí uirthi san am fadó. Ó am go chéile thugtaí altóir Dhiníosais uirthi. Ós rud é, áfach, nár aithníodh agus nár tionscnaíodh an réaltbhuíon go dtí an t-ochtú aois déag, is dócha nach raibh aon ghaol idir réigiún seo na spéartha agus creidimh na Sean-Ghréagaigh, ach amháin an gaol a d'fhionn cumadóir na réaltbhuíne.

Réaltaí

Réaltaí a bhfuil ainmneacha dílse orthu:

• α Ara 2.95: Choo nó Tchou

  < 杵 (Mandairínis chǔ) = an Tuairgnín

• δ Ara 3.62: Tseen Yin

  < 天陰 (Mandairínis tiānyīn) = an Spéir Dhorcha (ar réaltbhuíon an Reithe?)

• ε¹ Ara 4.06: Tso Kang

  < 左更 (Mandairínis zuŏgēng) = an Fhaire ar an Taobh Clé (ar réaltbhuíon an Reithe?)

• ζ Ara 3.12: Tseen Yin

  < 天陰 (Mandairínis tiānyīn) = an Spéir Dhorcha (ar réaltbhuíon an Reithe?)

  Nod leat go dtugtar an t-ainm chéanna ar δ Arae

Réaltaí a bhfuil ainmneacha Bayer orthu:

α Ara 2.95; β Ara 2.85; γ Ara 3.34; δ Ara 3.62; ε¹ Ara 4.06; ε² Ara 5.29; ζ Ara 3.13; η Ara 3.76; θ Ara 3.66; ι Ara 5.25; κ Ara 5.23; λ Ara 4.77; μ Ara 5.15; ν¹ Ara 5.66; ν² Ara 6.09; π Ara 5.25; 1/σ Ara 4.59

Réaltaí a bhfuil uimhreacha Flamsteed orthu:

1/σ Ara 4.59

Réaltaí suntasacha eile:

• R Arae 6.00-7.00 – déréalta uraitheach agus déréalta infheicthe

Féach fosta

• Sonraí réaltmhéadracha ag baint leis an Altóir

Naisc sheachtracha

• Yale Bright Star Catalog
• an Altóir ar shuíomh Robin Gatter Curtha i gcartlann 2006-05-26 ar an Wayback Machine
• Star Tales de chuid Ian Ridpath
• an Altóir agus miotaseolaíocht an Domhain Curtha i gcartlann 2006-05-09 ar an Wayback Machine
• an Altóir ar shuíomh Richard Dibon-Smith
• Peoria Astronomical Society: an Altóir Curtha i gcartlann 2006-04-22 ar an Wayback Machine
• The Deep Photographic Guide to the Constellations: an Altóir

Tagairtí

• Burnham, Robert Jr. (1966, 1978). Burnham's Celestial Handbook: An Observer's Guide to the Universe Beyond the Solar System, v.1. General Publishing Company, Ltd., Toronto. ISBN 0-486-23673-0.