An Capall Beag

An Capall Beag

an Capall Beag
Ainm Laidine (IAU)	Equuleus
Nod	Equ
Ginideach Laidine	Equulei
Siombalaíocht	an searrach
Dronairde	21 h
Diallas	10°
Achar	72 céim cearnach Céim 87ú
Réalta is gile	α Equ (Kitalpha) (méid 3.92)
Réaltbhuíonta ar theorainn leista	an tUisceadóir an Deilf Peigeasas
Infheicthe sna leithid idir +90° agus −80° Sárfheicthe i rith na míosa seo: Meán Fómhair an infheictheacht is fearr

Tá an Capall Beag ar an dara réaltbhuíon is lú i measc na 88 réaltbhuíon nua-aimseartha; níl ach an Chros amháin níos lú. D'ainneoin a mhéide bige agus d'ainneoin nach bhfuil aon réaltaí geala ar a chuid (níl réalta ar bith ann níos gile ná an ceathrú méid), bhí an Capall Beag ar cheann chomh maith de na 48 réaltbhuíon ar chatalóg Tholamaes. Equuleus an t-ainm Laidine a thugtar ar an réaltbhuíon seo, a chiallaíonn "searrach".

Príomhghnéithe

Tá an Capall Beag ar an dara réaltbhuíon is lú, agus é 72 céim cearnach ar achar (is í an Chros amháin atá níos lú). Is amhlaidh gur an-doiléir don réaltbhuíon seo.

• α Equ: an réalta is gile, dá ngairtear freisin Kitalpha; ar méid 3.92 agus ar aicme speictreach F8.

• γ Equ: réalta athraitheach den saghas réalta Alpha Canum Venaticorum (ACVO); ar méid 4.58 go 4.77; ar tréimhse 12.499 nóiméad. Is ilréalta chomh maith í γ Equ, le ceithre chomhbhall. Tá an AB péire (KNT 5) ar méid 4.70v agus 8.69; ar deighilt 1.5"; agus ar uillinn suímh 264° (sa bhliain 1994. Tá C (BU 71) ar méid 12.60, ar deighilt 57.3", agus ar uillinn suímh 360° (2002). Tá D (STFA 54) ar méid 6.06, ar deighilt 337.7", agus ar uillin suímh 152° (2001).

• ε Equ: ilréalta le ceithre chomhbhall (STF 2737). Is déréalta an AB péire, ar méid 5.96 is 6.31, ar deighilt 0.6", ar uillinn suímh 284° (2005). Tá AB-C ar méid 5.30 is 7.05; ar deighilt 10.9", agus ar uillinn suímh 67° (2005). Tá AD ar méid 5.30 is 12.40, ar deighilt 78.6", agus ar uillinn suímh 286° (2005). Níl in C agus D ach comhbhaill optúla

• δ Equ: déréalta shuntasach. Tá an AB péire (STT 535) ar méid 5.19 is 5.52, ar deighilt 0.3", agus ar uillinn suímh 29° (2005); 5.7 bliain an tréimhse fithise. Tá réalta eile le feiceáil freisin, ach is comhbhall optúil í; tá AB-C (STF 2777) ar méid 4.54 is 10.17, ar deighilt 72.5", agus ar uillinn suímh 6° (2005)

• R Equ: réalta Mira Ceti (M); ar amharcmhéid 8.70 go 15.00; tréimhse 260.76 lá

Naisc sheachtracha

• Yale Bright Star Catalog
• an Capall Beag ar shuíomh Robin Gatter Curtha i gcartlann 2006-05-08 ar an Wayback Machine
• Star Tales de chuid Ian Ridpath
• an Capall Beag agus miotaseolaíocht an Domhain Curtha i gcartlann 2006-05-09 ar an Wayback Machine
• an Capall Beag ar shuíomh Richard Dibon-Smith
• Peoria Astronomical Society: an Capall Beag Curtha i gcartlann 2006-04-22 ar an Wayback Machine
• The Deep Photographic Guide to the Constellations: an Capall Beag

Tagairtí

• Burnham, Robert Jr. (1966, 1978). Burnham's Celestial Handbook: An Observer's Guide to the Universe Beyond the Solar System, v.2. General Publishing Company, Ltd., Toronto. ISBN 0-486-23673-0.