Migraziorako Nazioarteko Erakundea

Migraziorako Nazioarteko Erakundea
Datuak
Izen ofiziala	International Organization for Migration, Organización Internacional para las Migraciones, Organisation internationale pour les migrations eta Mezinárodní organizace pro migraci
Izen laburra	IOM, OIM, OIM, OIM eta МОМ
Mota	Nazio Batuen agentzia espezializatua eta argitaletxea
Herrialdea	Suitza
Agintea
Idazkari orokorra	Amy E. Pope (en)
Egoitza nagusi	«International Organisation for Migration headquarters»; Geneva; 46°13′54″N 6°07′56″E / 46.2316°N 6.1321°E;
Legezko forma	Internationale Organisation (mul)
Historia
Sorrera	1951
	webgune ofiziala;

Migrazioetarako Nazioarteko Erakundea (ingelesez IOM) 1951n sortutako gobernu arteko erakundea da, eta migrazio gaiak lantzen ditu. Genevan du egoitza nagusia, eta 100 herrialde baino gehiagotan ditu tokiko bulegoak. Estatu subiranoek itun bidez sortutako erakundea da, eta, 2016ko irailetik, Nazio Batuen Erakundearekin lotuta dago.

Gaur egun, 174 estatu kide ditu, eta 8 behatzaileak dira, gobernu-arteko eta gobernuz kanpoko 76 erakunde gehituz^[1]. IOMek egitura malgua du, eta 440 bulego baino gehiago ditu, 150 herrialdetan^[2].

OIMek oso egitura deszentralizatua du. Horri esker, bere estatu kideek eskatuta, gero eta proiektu ezberdin gehiago exekutatzeko gaitasuna lortu du. 2011ko uztailaren 1etik aurrera, IOMek honako egitura global hauek ditu:

Bederatzi eskualde bulego, eskualdeetako estrategiak eta ekintza-planak formulatzeaz eta beren eskualdeetako herrialdeei laguntza programatikoa eta administratiboa emateaz arduratzen direnak nagusiki. Eskualde bulegoak hemen kokatuta daude: Dakar (Senegal), Pretoria (Hego Afrika), Nairobi (Kenya), Kairo (Egipto), San Jose (Costa Rica), Buenos Aires (Argentina), Bangkok (Thailandia), Brusela (Belgika) eta Viena (Austria).
Harremanetarako bi bulego berezi, zeinen ardura nagusiak zenbait erakunde multilateral, misio diplomatiko eta gobernuz kanpoko erakundeekiko harremanak sendotzea den. Bulego hauek daude: New Yorken (Amerikako Estatu Batuak) eta Addis Abeban (Etiopia).
Administrazio bi zentro: Manilan (Filipinak) eta Panama Hirian (Panama) kokatuta, zeinen ardura nagusiak, informazio teknologiaren eta administrazio zerbitzuen arloetan, IOM bulegoen sareari oinarrizko laguntza ematea den.
Mundu osoko herrialdeetan, 240 bulego eta azpi-bulego baino gehiago, eta haien ardura nagusiak migrazio nazionalaren gaiak eta sortzen ari diren joerak aztertzea dira, bai eta aipatutako gai eta joerei erantzuteko proiektuak eta programak planifikatu, garatu eta ezartzea ere.
Koordinazio-funtzioak dituzten bost bulego, eskualdeko jarduera programatikoetan zehaztutako herrialde-multzo baten migrazio-errealitateak aintzat hartzen direla bermatzeko ardura gehigarria dutenak. Koordinazio-funtzioak dituzten herrialde-bulegoak Canberran (Australia) (Ozeano Barea hartzen du), Erroman (Italia) (Mediterraneoa hartzen du), Astanan (Kazakhstan) (Erdialdeko Asian), Georgetownen (Guyanan) (Karibea barne hartzen du). Thailandiako Bangkokeko eskualdeko bulegoan ere koordinazio funtzio bat dago Hego Asiako herrialdeen taldearentzat.
Horrez gain, baliabideak biltzeko funtzioak dituzten lau herrialde bulego daude, eta, erantzukizun gehigarri gisa, baliabideak biltzeko funtzioak dituzte, hau da, diru bilketa jardueretan laguntzea eta diru bilketa politika, lehentasun eta prozedurei buruzko aholkuak ematea. Baliabideak mobilizatzeko funtzioak dituzten herrialde bulego hauek daude: Tokion (Japonia), Berlinen (Alemania), Helsinkin (Finlandia) eta Washington DC (Amerikako Estatu Batuak).

Etorkinak, Carlos Pellegrini Santa Fe (Argentina).

IOM migrazioaren alorreko agentzia nagusia da, eta migrazioaren kudeaketa ordenatu eta gizatiarra bermatzen laguntzen du; gaiari buruzko nazioarteko lankidetza sustatzen laguntzen du; migrazio-arazoei irtenbide praktikoak aurkitzen laguntzen du, eta, behar duten migratzaileei, laguntza humanitarioa ematen laguntzen du, izan errefuxiatuak, lekualdatuak edo deserrotutako beste motakoak.

OIMen Konstituzioak berariaz aitortzen du migrazioaren eta garapen ekonomiko, sozial eta kulturalaren arteko lotura, baita pertsonen mugimendu askatasunerako eskubidea ere.

Estatu Kide eta Estatu Behatzaile

Estatu kide

2019ko apirilean, 173 estatu kide zeuden:

Datuak 2019ko martxoaren 18an (UTC) eguneratuta daude. Iturria: IOM

Estatu behatzaile

Datuak 2018ko otsailaren 23an (UTC) eguneratuta daude. Iturria: IOM

Erreferentziak

↑ (Gaztelaniaz) «Miembros y observadores» International Organization for Migration (Noiz kontsultatua: 2022-12-19).
↑ Organización Internacional para las Migraciones. Historia de la OIM. .

Kanpo estekak

Datuak: Q472311
Multimedia: International Organization for Migration / Q472311

[1] (Gaztelaniaz) «Miembros y observadores» International Organization for Migration (Noiz kontsultatua: 2022-12-19).

[2] Organización Internacional para las Migraciones. Historia de la OIM. .

[1]

[2]