Natalia Estemirova
| Natalia Estemirova | |||||
|---|---|---|---|---|---|
| |||||
| Persona informo | |||||
| Наталья Эстемирова | |||||
| Naskiĝo | 28-an de februaro 1958 en Kamiŝlov | ||||
| Morto | 15-an de julio 2009 (51-jaraĝa) en Gazi-Yurt | ||||
| Mortis pro | Hommortigo  vd
| ||||
| Lingvoj | rusa vd | ||||
| Ŝtataneco | Sovetunio Rusio vd
| ||||
| Alma mater | Ĉeĉena ŝtata universitato - historia scienco Moskva Ŝtata Universitato - ĵurnalismo vd
| ||||
| Profesio | |||||
| Okupo | ĵurnalisto verkisto homrajta aktivulo lektoro vd
| ||||
| |||||
| |||||
| vd | Fonto: Vikidatumoj | ||||
Natalia ESTEMIROVA (ruse Наталья Хусаиновна Эстемирова) (naskiĝis la 28-an de februaro 1958 — murdita la 15-an de julio 2009) estis rusia ĵurnalistino kaj instruistino, aktivistino por la homrajtoj en Ĉeĉenio (Rusio), aktiva membro de Memorial, forkaptita de sia loĝejo en Grozno kaj murdita.
Vivo
[redakti | redakti fonton]Ŝia patrino estis laŭ nacieco rusino, la patro ĉeĉeno. Kiel vidvino ŝi solece edukis sian filinon naskitan en 1993. Studis historion en la Universitato de Grozno. Ĝis 1998 ŝi laboris kiel instruistino, kaj poste kiel ĵurnalistino okupiĝanta pri forkaptado, malaperigoj kaj politikaj murdoj en Ĉeĉenio. Ŝi partoprenis eksterlandajn konferencojn pri malrespekto de la homrajtoj en la Rusia Federacio.
Ŝi estis nomumita al Saĥarov-Premio en 2004, distingita de la Medalo je la nomo de Robert Schuman la 13-an de januaro 2005, laŭreatino de la premio je la nomo de Anna Politkovskaja. Pro sia agado ŝi plurfoje estis kritikata de la registaro de la Ĉeĉena Respubliko Iĉkerio.
Estemirova estis forkaptita matene la 15-an de julio 2009 fare de kvar viroj. Ŝian korpon kun kuglovundoj en la kapo kaj brusto oni trovis proksime al rapidtrafika vojo apud Nazranj en la najbara Inguŝio. La murdon kondamnis inter aliaj Usono kaj Germanio, kiuj alvokis Rusion por rapida trovo kaj juĝo de la kulpantoj. La rusia prezidento Dmitrij Medvedev montris indignon kaj anoncis rapidan esploron. La prezidanto de la Eŭropa Parlamento Jerzy Buzek ekpostulis de la Rusia Federacio detalan esploron de la afero kun malkovro de la murdomendintoj.
La 23-an de julio 2009 popola kunveno en la centro de Moskvo omaĝe al Natalia Estemirova estis forpelita de milico pro la granda, duobla supero de la planita partoprenantaro fare de organizanto; en la mitingo frekventis inter 70 kaj 100 personoj. La tutan solenaĵon surbendigadis civile vestitaj milicanoj. La kunvenigulo de la renkonto Viktor Sokirko el Memorial estis arestita por du horoj kaj monpunita pro perturbado.
Bibliografio
[redakti | redakti fonton]- Frakcio de la Verduloj kaj Eŭropa Libera Alianco: Natalya Estemirova, Candidate for the 2004 Sakharov prize for freedom of thought: Greens/EFA nominate Chechen human rights activist for Sakharov Prize[rompita ligilo]
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Natalya Estemirova kaj ties deklaro pri murdo de Zura Bitieva kaj ŝia familio, septembro 2003
- Natalya Estemirova' biography Arkivigite je 2009-07-22 per la retarkivo Wayback Machine anglalingva biografio okaze de ricevo de la medalo je la nomo de Robert Schuman, 2005
- Natalia Estemirova and the Price of Courage Arkivigite je 2009-07-21 per la retarkivo Wayback Machine, 2009 (kun foto)
- Natalya Estemirova Arkivigite je 2010-08-25 per la retarkivo Wayback Machine kaj la premio je la nomo de Anna Politkovskaja, 2007