Malaia (komunumo, Vâlcea)
| Malaia | |||
|---|---|---|---|
 | |||
| Komunumo | |||
| komunumo en Rumanio | |||
| Lando |  Rumanio
| ||
| Distrikto |  distrikto Vâlcea
| ||
| Situo | 45° 21′ N, 24° 3′ O (mapo)45.35222222222224.043333333333Koordinatoj: 45° 21′ N, 24° 3′ O (mapo) | ||
| |||
| |||
| Alto super maro | 470 m | ||
| Poŝtkodo | 247335 | ||
| Loĝantaro | 1,703 (en 2011; 1.930 en 2002) | ||
| Kodo laŭ SIRUTA | 171021 | ||
Malaia [malaja] estas komunumo en la rumana distrikto Vâlcea. Ĝi konsistas el nur tri vilaĝoj: Ciungetu, Malaia (la sidejo) kaj Săliștea.
La komunumo situas norde en la distrikto ĉe la rivero Lotru, kiu tie formas du baraĵlagojn: la lagon Brădișor kaj la lagon Malaia, en kiun fluas samnoma rivereto. Tra la komunumo pasas la nacia vojo DN7A inter Brezoi kaj Petroșani. Malaia situas en la Sudaj Karpatoj kaj tial ampleksas grandan malmulte loĝatan areon, kun loĝdenso de malpli ol 5/km².
Malaia najbaras al du aliaj distriktoj, la Sibiu norde kaj la Gorj sud-okcidente. Krome ĝi najbaras al tri urboj (Brezoi, Băile Olănești, Horezu) kaj tri aliaj komunumoj.
Krom agrokulturo, bestobredado, utiligo de ligno kaj akvoelektaj centraloj, ekonomie gravas por Malaia ankaŭ la alpista kaj alia turismo. En la komunumo troviĝas kvar historiaj monumentoj:[1]
- La kaverno Laptelui
- La ligna preĝejo je s-taj Nikolao kaj Paraskevo Balkana
- La ligna preĝejo je s-taj Konstantino kaj Helena
- La fontano Brătienilor
Notoj
[redakti | redakti fonton]- ↑ Primăria Comunei Malaia (rumane) (HTML). Arkivita el la originalo je 2015-07-08. Alirita 2015-07-07 .
