Batalo de Shiloh

Batalo de Shiloh, pentraĵo de Thure de Thulstrup.

La Batalo de Shiloh, konata ankaŭ kiel Batalo de Pittsburg Landing, estis unu el la unuaj bataloj en la Okcidenta Fronto de la Usona Enlanda Milito, okazinta en la 6a–7a de Aprilo, 1862, en sudokcidenta Tenesio. La Unia Armeo de Tenesio (Majora Generalo Ulysses S. Grant) estis moviĝinta laŭ la rivero Tenesio internen en Tenesion kaj estis kampadejo ĉefe ĉe la elboatejo Pittsburg Landing aur la okcidenta bordo de la rivero Tenesio, kie la Konfederacia Armeo de Misisipio (Generalo Albert Sidney Johnston, P. G. T. Beauregard duaranga komandanto) lanĉis surprizan atakon al la armeo de Grant el sia bazo en Corinth, Misisipio. Johnston estis mortige vundita dum la batalado; Beauregard ekprenis la komandon de la armeo kaj decidis kontraŭ premi la atakon poste vespere. Nokte, Grant estis plifortigita de unu el siaj divizioj staciigitaj pli norde kaj estis aligita de tri divizioj el la Armeo de Ohio (Maj. Gen. Don Carlos Buell). La Uniarmeaj fortoj startigis neatenditan kontraŭatakon la venontan matenon kio renversis la konfederaciajn akirojn de la antaŭa tago.

La 6an de Aprilo, nome la unua tago de la batalo, la Konfederaciuloj atakis kun la intenco forigi la Uniajn defendantojn for el la rivero kaj peli ilin al la marĉoj de Owl Creek okcidenten. Johnston esperis venki super la armeo de Grant antaŭ la anoncita alveno de Buell kaj la Armeo de Ohio. La konfederaciaj batallinioj konfuziĝis dum la luktado, kaj la homoj de Grant anstataŭe revenis nordorienten, en la direkto de Pittsburg Landing. Unia pozicio sur iom suprenigitan vojon, kromnomitan "Hornet's Nest" kaj defendita de la divizioj de la Brigada Generalo Benjamin Prentiss kaj William H. L. Wallace, havigis tempon por ke la cetero de la Unia linio stabiliĝu sub la protektado de multnombra artilerio. Wallace estis mortige vundita kiam la pozicio estis venkita, dum kelkaj regimentoj el la du divizioj estis eventuale ĉirkaŭitaj kaj kapitulacis. Johnston ricevis pafon en la kruro kaj sangis ĝismorte dum estris atakon. Beauregard komprenis kiom laca estis la armeo pro la elĉerpo de la tago kaj decidis ne ataki la finan pozicion de la Unio tiun nokton.

Poŝtmarko de 1962, desegnita de Noel Sickles.

Lacaj, sed neluktintaj kaj bone organizitaj homoj el la armeo de Buell kaj divizio de la armeo de Grant alvenis vespere de la 6a de Aprilo kaj helpis ŝanĝi la situacion la venontan matenon, kiam la Uniaj komandantoj lanĉis kontraŭatakon laŭ la tuta linio. Konfederaciaj fortoj estis devigitaj retiriĝi, kio finigis sian esperon blokadi la antaŭeniron de la Unio en nordan Misisipion. Kvankam venkinta, la Unia armeo estis suferinta pli fortajn perdojn ol la Konfederaciuloj, kaj Grant estis tre kritikita de la gazetaro pro la fakto ke li estis surprizigita de la malamiko.

La Batalo de Shiloh estis la plej sangiga konflikto de la Enlanda Milito ĝis tiam, kun preskaŭ dufoje tiom da perdoj kiom la antaŭaj gravaj bataloj de la milito kombinitaj.

Bibliografio

• Davis, William C., eld. (1990). "Chapter 2: This Day Will Long Be Remembered: Shiloh". Diary of a Confederate Soldier: John S. Jackman of the Orphan Brigade. American Military History. Columbia, South Carolina: University of South Carolina Press. pp. 28–42. ISBN 0-87249-695-3. LCCN 90012431. OCLC 906557161.
• Frank, Joseph Allan, and George A. Reaves. Seeing the Elephant: Raw Recruits at the Battle of Shiloh. Urbana: University of Illinois Press, 2003. ISBN 0-252-07126-3. First published 1989 by Greenwood Press.
• Grant, Ulysses S. Personal Memoirs of U. S. Grant. 2 vol. Charles L. Webster & Company, 1885–86. ISBN 0-914427-67-9.
• Groom, Winston. Shiloh, 1862. Washington, D.C.: National Geographic Society, 2012. ISBN 978-1-4262-0874-4.
• Groom, Winston. "Why Shiloh Matters." New York Times Opinionator weblog, April 6, 2012.
• Gudmens, Jeffrey J. Staff Ride Handbook for the Battle of Shiloh, 6–7 April 1862. Fort Leavenworth, KS: Combat Studies Institute Press, 2005. OCLC 58801939.
• Howard, Samuel Meek (1921). The illustrated comprehensive history of the great battle of Shiloh. Gettysburg, S.D. : Howard.
• Martin, David G. The Shiloh Campaign: March–April 1862. New York: Da Capo Press, 2003. ISBN 0-306-81259-2.
• Mertz, Gregory A. Attack at Daylight and Whip Them: The Battle of Shiloh, April 6–7, 1862. Emerging Civil War Series. El Dorado Hills, CA: Savas Beatie, 2019. ISBN 978-1-61121-313-3.
• Reed, David W. The Battle of Shiloh and the Organizations Engaged. 2a eld. Washington, D.C.: U.S. Government Printing Office, 1909.
• Smith, Timothy B. Rethinking Shiloh: Myth and Memory. Knoxville: University of Tennessee Press, 2013. ISBN 978-1-57233-941-5.
• —— The Untold Story of Shiloh: The Battle and the Battlefield. Knoxville: University of Tennessee Press, 2006. ISBN 978-1-57233-466-3.

Woodworth, Steven E.., eld. The Shiloh Campaign. Carbondale: Southern Illinois University Press, 2009. ISBN 978-0-8093-2892-5.

Eksteraj ligiloj

• Report of Major General U.S. Grant on the Battle of Shiloh
• Battle of Shiloh: Mapoj, historioj, fotoj, kaj konservado (Civil War Trust)
• Battle of Shiloh, Animacia mapo (Civil War Trust)
• retejo de la U.S. National Park Service por Shiloh National Military Park
• Civilwarhome, priskribo de la batalo