Blù 'd Prùsia
|
C'l artìcul chè 'l è scrit in
Miranduléś |
Al Blù 'd Prùsia (cgnusû anc cuma Blù 'd Berlîṅ o cuma Fèr-cianûr feróś, Preußisch Blau in tedésc) 'l è 'n pigmènt blù scûr druâ par far dal varnìś, par pituràr i vistî e, na vòlta, anc in mecàniga par far véd'r i punt minga para 'd un pès da cavàr via.
La gh'à dū fórmuli chìmichi:
- KFe(II)[Fe(III)(CN)6]
- Fe(III)4[Fe(II)(CN)6]3·6H2O
La prima dal dū l'è qvéla dal Blù 'd Prùsia ch'al s pōl dasfàr in dl'àqua.
C'l elemènt chè al pōl èsar druâ anc in madśìna par cumbàtar i vlenamènt 'd metài pēś cuma 'l cèśi radiuatìṿ o 'l tali (radiuatìṿ o no) ch'i ténd'n a tōr al pòst dal putàs in prucès biulògic dal còrp faghénd di dan murtài in dal gir ad pôc dè. Al Blù 'd Prùsia al sarvìs par far in manéra che chi mètai lè acsè periculóś i n végnan minga asurbî 'd nóṿ quànd i finìs'n in dal budèli.