Сканер
Сканер выяў або проста сканер — гэта электронная прылада, якая стварае лічбавае прадстаўленне выявы, дакумента або рукапіснага тэкста.
Найбольш вядомая версія сканера — настольны планшэтны сканер, у якім дакумент змяшчаецца на шкляное акно для сканавання. Таксама існуюць ручныя сканеры — міні-прылады, якія перамяшчаюцца ўздоўж дакумента ўручную, і сканеры з механічным прывадам, якія перамяшчаюць дакумент уздоўж сканавальнага элемента і звычайна выкарыстоўваюцца для шырокафарматных дакументаў, у якіх планшэтны сканер быў бы недарэчны.
Сканеры часта ўваходзяць у склад шматфункцыянальных прылад, у якіх аб’яднаныя функцыі прынтара, сканера і капіравальнага апарата.
Існуюць спецыялізаваныя сканеры, такія як сканеры кніг, якія маюць механізм пераліствання старонак, і 3D-сканеры, у якіх лічбавае прадстаўленне ствараецца для трохмернай формы аб’екта.
Сканеры звычайна падключаюцца да персанальнага камп'ютара, аднак сучасныя мадэлі дазваляюць сканаваць з выкарыстаннем толькі смартфона, або захоўваць выявы адразу на знешні носьбіт (напрыклад, праз порт USB).
Важнымі параметрамі сканера з’яўляюцца:
- глыбіня колеру — колькасць бітоў для адлюстравання колеру аднаго пікселя, звычайна складае не менш за 24 біта. Якасныя мадэлі маюць глыбіню колеру 36-48 біт.
- раздзяляльнасць (англ.: resolution) — вымяраецца ў колькасці пікселяў на цалю (англ.: pixels per inch, ppi)
Гл. таксама
[правіць | правіць зыходнік]
Слоўнікі і энцыклапедыі | |
|---|---|
| Нарматыўны кантроль |