Buhay nin Itom Mahalaga
An Buhay nin Itom Mahalaga (Ingles, Black Lives Matter) sarong hiron internasyonal kan mga aktibista na nagpoon sa komunidad nin mga Aprikano-Amerikano, kampanyang laban sa dahas asin sistimatikong rasismo kontra sa mga tawong itom an kublit. An BIM regular naggigibong mga martsa protesta sa pagdenunsya kan mga pag'aabuso nin mga kapulisan, orog na an pagkakagadan sa mga itom sa kamot nin mga pulis. An movimientong ini orog na naghiwas asin linalabanan kaini an mga inapod na "racial profiling", brutal na pagtrato kan mga pulis sa mga dinakop na itom, asin heneralmente an dai-pantay asin pang'aaping trato na nagdadanay sa sistema hustisya kan Estados Unidos.[1].
Kan 2013, an hiron naqgpoon sa paggamit kan hashtag na #BlackLivesMatter sa social media kan mapawa'ran-sala si George Zimmerman sa pagbadil-gadan kan Aprikano-Amerikanong barobata' na si Trayvon Martin. An BIM nabisto sa lantad nasyonal kan Amerika huli sa mga demonstrasyon kaini sa kalye kan taon 2014 kan mangyari an panbabadil-gadan sa duwang hubin na Aprikano-Amerikano na sinda Michael Brown na nagsabrit nin protesta sa Ferguson asin si Eric Garner sa Nweba York. Poon kaidto, an mga partisipante sa hiron na ini nagdedemonstrar na sa mga kagadanan bunga kan pagkakadakop asin pagkaag sa kustodiya kan mga pulis sa mga itom. Kan mag'eleksyon 2016, an mga aktibista sa BIM naimbwelto sa eleksyon presidensyal kan Estados Unidos. An mga lider asin kagpoon sa hashtag asin pangapodan sa aksyon na iyo sinda Alicia Garza, Patrisse Cullors, asin Opal Tometi pighimo na mapalakop an saindang proyekto sa mas mahiwas na network sa lebel nasyonal na namukna an 30ng mga sanga kan pag'oltan 2014 asin 2016. Ini alagad desentralisadong network asin mayong opisyal o pormal na herarkiya. [2]
Mga Panluwas na takod
[baguhon | baguhon an source]̇̆ [3] Archived 2017-08-13 at the Wayback Machine. Polisya kan Black Lives Matter.
