Zodiacu
| Zodiacu | |
|---|---|
| conxuntu | |
sistema ptolemaico (es)  | |
 | |
 |
El Zodiacu ta ensamáu por doce signos o por catorce constelaciones. El nome zodiacu remanez del griegu zooidion, que ye un diminutivu de zoon, "figurina" (asina lo usa Herodotu y Aristóteles), magar que la creyencia de que vien de "zoo", animal, ye un error etimolóxicu abondo estendíu.
El zodiacu ye una estaya sobro la esfera celeste, que s'estiende unos 8º a dambos llaos de la eclíptica pela que se desplacen el Sol y los planetes. Los griegos dixebraron esta faza del cielu en 12 estayes imaxinaries, con una estensión aproximao de 30º d'arcu, bautizaes col nome de les 12 constelaciones más solliñaes, que yeren a columbrar en cada una d'estes 12 estayes.
Agora bien, dende que s'identificaren les 12 estayes del zodiacu (correspondientes a les 12 constelaciones qu'atraviesa el Sol), la precesión de los equinoccios desplazó la banda zodiacal del cielu, alcontrándonos con qu'anguaño el Sol pasa pela constelación d'Ofiucu
Ye por ello, que'l Zodiacu nun caltién doce, sinón catorce constelaciones. La númberu 13, como yá se dixere, ye Ofiucu, y la númberu 14 ye Cetus.
- Los signos clásicos del zodiacu (incluyendo ophiucus ) son:
|
Astronomía | Constelaciones del Zodiacu | Astroloxía |
|
Aries |
Astroloxía
[editar | editar la fonte]Según l'Astroloxía, les persones nacíes baxo un signu común del zodiacu tienen un abicañu y futuru común, que dependen del signu baxo'l que nacieren. Los signos zodiacales utilícense como métodu d'aldovinación y albidru del futuru de les persones y pa la confecha d'horóscopos.
Isaac Newton propunxo la teoría de que los doce nomes de les antiquísimes constelaciones zodiacales rendíen homenax al mitu de "Xasón y los argonautes" y el so viaxe tres de la Badana d'oru. D'esta miente, Aries refierse a la propia badana (que yera d'oveya), Lleo al héroe Heracles (Hércules romanu), que vistía la pelliza del lleón de Citerón, Xéminis a los ximielgos Cástor y Pólux, Virgu a la sacerdotesa del templu au se curiaba la badana d'oru, etc.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Zodiacu.
