Villel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Villel
Municipio d'Aragón
Villel.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	85,4 km²
Población  • Total  • Densidat	326 hab. (2013) 3,82 hab/km²
Altaria  • Meyana	823 m.
Distancia  • 15 km	enta Teruel
Alcalde	Juan José Rodero Prieto
Codigo postal	44131
Parroquial  • Diocesi  • Arcipestrau  • Parroquia	Teruel y Albarracín Teruel Ntra. Sra. d'as Nieus
Coordenadas	40°14’ 0’’N 1°11’14’’U
Villel Villel en Aragón
Web oficial

Villel ye un municipio de la provincia de Teruel, situau en la comarca de la Comunidat de Teruel. La suya población ye de 326 habitants, en una superficie de 85,4  km² y una densidat de población de 3,82 km².

Cheografía

Ye situau a la dreita de lo río Guadalaviar chusto a lo sud d'a on la rambla de la Chartera caye en este río. Comprende los casals u mases El Campo, La Fuent Santa, Rueda, Torrejón, Vadiello, Vinyuelas y lo balneario de Los Banyos.

Mugas

Lo suyo termin municipal muga con Cascant, Río Deva, Libros, Tramacastiel, Rubials y Bellestar.

Historia

Dimpués de la conquiesta musulmana buena part de lo Sistema Iberico estió una zona a on s'estableixioron los berbers; Villel en concreto estió en poder de los Banu Gazlun, que perteneixeban a la tribu Ulhasa, branca de los Nafzawa.

Dimpués de la reconquiesta Villel estió a seu d'una comanda templera, la Comanda de Villel, que incluyiba tamién Bellestar, Libros y Río Deva. En 1180 li fue concedita carta de población.

Toponimia

Villel ye un toponimo de muit antiga documentación. Posiblement siga mozarabe. Ibn Hayyan lo escribe Billal. Tamién lo trobamos en textos medievals latinos y aragoneses, por eixemplo en las "Cronicas de los Chudeces de Teruel", y como ye natural en la suya Carta de población, escrita en aragonés d'as comunidaz aragonesas.

Agustín Ventura Conejero ofreix dos posibles interpretacions: a partir de lo latín VILIANUS ("tierra de VILIUS) u a partir de lo latín VILLARIUS ("de la villa"). Si venise de VILIANUS sería un toponimo con terminación én especial a on s'habría produciu un cambio de n por l. Si venise de VILLARIUS sería un toponimo comparable a villar pero con una imela tipica de l'arabe hispano que fa cambiar a por el. La confusión entre r y l sería un caso comparable a "esparver"-"esparvel".

Talment como los toponimos tipo Viliella haiga teniu diferents variants eufonicas por disimilación de la -LL-. Si no s'ha produciu la disimilación de la primera -LL- como en Viliella ha estau por la perduga d'a -o final, que ha posau la segunda -LL- en posición final. En textos escritos en latin se'n pueden trobar variants curiosas como Villiels en "Rationes decimarum Hispaniae (1279-80): Aragón y Navarra" y Vilello:

item a rectore de Camarena / Villiels Libros Rueda Riodena Bel estar, Templi sunt.

Microtoponimos

Bi ha bel microtoponimo de base u influencia aragonesa: los royales, la calera, carrera d'el Pinar, El Noguerón, vago de l'Escopetero, El Blanquizar, El Plano, El Bolage, Loma de Milla, Canyada de Zozán, Chartera, El Zurriagato, La Fuent Santa, El Rafán. Cognatos de l'aragonés "vadiello" tenemos Vadillo y Solana del Vadillo. Vadillo ye un casal que bi ha puyando por o río Camarena u regajo de Camarena entre Villel y Cascant.

Intresant ye La Tabaira, relacionau la denominación perso-arabe d'un material ceramico u de contrucción.

Pueden estar microtoponimos d'influencia mozarabe Pino mocho y El Campichuelo (con infixo -ich- tamién conoixiu en aragonés actual), homonimo d'una subcomarca en a Serranía de Cuenca. Canyada de Zozán tamién ye curioso.

En la carta de población trobamos muitos toponimos en aragonés:

Nos don Alfonso, por la gracia de Dios rey Daragon et marques de Prohença, compte de Barcelona, dono et llaudo por todos tiempos a todos los pobladores de Villel, a caballeros et a peones et a todos los hombres que seredes pobladores ni alli berneredes poblar, todas nuestras eredades asin como Martín Perez a bos las dio o de aquí adelante las departa. A ti Martín Perez dono et otorgo todas las heredades, las quales pora ti en Villel en sus terminos reternas, que tu ayas aquellas por dar, pender, enpeyar, o lexar a quien tu quisieres. Estas sobre ditas cosas a ti et a los pobladores de Villel dono et otorgo; sacada la fuerza del Castillo, la qual pora mi et pora los mios retengo et por esta fuerza del Castillo retengo pora mi el forno et el molino e la eglesia de Villel, que ningun yezino de Villel non aya poder de fer forno nin molino en Villel, nin en sus terminos. Et por aquesto que yo retengo pora mi, fago a bos franquos a todos los pobladores de Villel qui sodes presentes et de qui adelante evernedeis poblar. Et damos terminos, asin como parte la Rambla del monte et sube a somo del Campillo Aliagoso et por somo de la foç de Chertera et da en Ruviales, prende el cerro, et da en el camino que va a Tormon et del camino de Tormon fiere a la fuente de la Penylla et de la fuente de la Penylla fiere en Val Seco, et del Val Seco fiere a rio de Molas, et del rio de Molas ayuso fiere en Goladaviar, et de Guadalaviar Riodeva a asuso afondom de Val Lubresco a suso, asin como las aguas vierten, et fiere el Atalaya Ruvia, et del Atalaya Ruvia asin como las aguas vierten et fiere al fronton de la Quadradeja, et de la Quadradeja al fronton de la Escaleruela de la Trona, et de la Escaleruela a las canales del fondon a la foç de Ballcroch, et de las canales del fondon de la foç et fiere al Cabello Blanquo de la fuente Pudia, et del Cabello Blanquo de la fuente Pudia, et fiere en Guadalaviar en fondo de la Rambla del Monte sobre el Alcarejo. El sobre dito donativo do et firmo etlaudo poraiempos et otorgo a bos que ayades et posedades bos et fijos vuestros a toda buestra generacion, entro a la postremera: di todos bos libro ef franco et sin enganyo, a fuero di Çaragoça et a la buestra propia heredat, por dar, bender, enpeyar et por fer buestra boluntad, asin como de buestra propia eredat, por todos tiempos, salva mi fialdat et di toda mi postremeria po secula seculorum amen. Et ningun home qui aquesta franquesa quisiere quebrantar a todos los pobladores de Villel que yo don Alfonso a feita, sea maldito de Dios et di santa Maria y sobre todo aquesto peresca asin como Sodoma y Gomorra et sea soterrado dentro en los infiernos por todos tiempos, amen, amen, amen.

Sig+no del rey don Alfonso, rey de Aragon et compte de Barcelona et marques de Prohença.

Demografía

Evolución demografica

1992 1994 1996 1997 1998 1999 2000 2001 2002 - - - - 329 333 331 332 343

2003 2004 2005 2006 2007 2008 2009 2010 2011 347 354 322 347 367 377 382 366 342

2012 2013 2014 2015 2016 2017 2018 2019 2020 347 355 348 342 338 330 327 329 333

2021 2022 2023 2024 2025 2026 2027 2028 - 325 329 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									2
Partido Aragonés									2
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Jesús Gómez Asensio	Independient
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Juan José Rodero Prieto	PP
2015–2019	Juan José Gómez Pérez	PAR
2019–2023
2023–2027	José María Pérez Serrano	PP

Puestos d'intrés

• Castiello de Villel.
• Ermita de la Virgen de la Fuent Santa.
• Ermita de la Virchen d'el Carmen.
• Ermita de Sant Antón.
• Ermita de Santa Barbara.
• Ilesia de Nuestra Sinyora de las Nieus.
• Peirón de la Virchen d'el Pilar.
• Santuario de la Fuent Santa.
• Trincheras de la Guerra Civil Espanyola.
• Restas de las menas de caolín.

Personalidaz naixidas de Villel

• Categoría:Naixius de Villel

Ye naixiu de Villel lo ministro en tiempos de Ferrando VII d'Espanya, Francisco Tadeo Calomarde.

Fiestas

• Romería enta lo Santuario de la Fuent Santa, mayo.
• Fiestas de Chulio.
• Semana Cultural, 15 d'agosto.
• Fiestas Patronals de Fuent Santa, Santa Otilia y Sant Roque, 6-10 de setiembre.
• Fiestas d'el Cristo, noviembre.

Referencias

Lugars de lo municipio de Villel
El Campo | Torrellón | Villel

Lugars desapareixius de lo municipio de Villel
La Fuent Santa | Rueda | Vadiello | Vinyuelas

• Datos: Q1650948
• Multimedia: Villel / Q1650948