Lluís Borrassà

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un pintor gotico. Ta o municipio de Chirona se veiga Borrassà.

Lluís Borrassà
O retablo de Sant Per en Terrassa.
Información personal
Calendata de naixencia	arredol de 1375
Puesto de naixencia	Chirona
Calendata de muerte	1424-1426
Puesto de muerte	Barcelona
Ocupación	Pintor

Lluís Borrassà estió un pintor gotico catalán, naixito de Chirona arredol de 1375 y muerto en Barcelona, en 1424-1426.

Encara que yera naixito de Chirona a on fació a suya formación como pintor (en o taller d'a suya familia, que yeran tamién pintors), arredol de 1383 se trasladó ta Barcelona, a on creyó o suyo propio taller. Por ixo a identificación d'a suya obra ye a vegatas difícil, porque se confunde con a d'atros miembros d'o suyo taller.

Caracteristicas d'a suya obra

A suya obra tien influencias italianizants, y ye considerato como l'introductor de l'arte y a pintura gotica en Catalunya y en a Corona d'Aragón. Treballó a sobén en retablos.

Antiparte, a suya obra influyó en os pintors catalans Joan Mates u Bernat Martorell.

Obras

• 1390?: Retablo de l'Arcánchel Sant Gabriel , en a seu de Barcelona.
• Fins d'o sieglo XIV: Retablo d'a Presentación d'a Virchen y Sant Chorche, en a ilesia de Sant Francisco de Vilafranca del Penedès.
• 1403-1411: Retablo en o monesterio de Santes Creus.
• 1404: Retablo d'o Salvador, en a ilesia parroquial de Sant Salvador de Guariola.
• 1410: Retablo de Sant Antón Abat, en a Basilica de Santa María de Manresa.
• 1411: Retablo de San Per, en a ilesia de Sant Per de Terrassa.
• 1415: Retablo d'o Convento de Santa Clara en Vic, hue en o Museu Episcopal de Vic.
• 1415-1420: Retablo de Sant Chuan Baptista, hue en o Museu d'as Artes Decorativas (París).
• 1415: Retablo de Sant Andreu (Gurb), muy deteriorato, hue en o Museu Bispal de Vic.

Vinclos externos

• Se veigan as imáchens de Commons sobre Lluís Borrassà.

• Datos: Q1393857
• Multimedia: Lluís Borrassà / Q1393857