Exulve

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Exulve Ejulve
Municipio d'Aragón
Entidat  • País  • Provincia  • Comarca	Municipio  Aragón  Teruel Andorra-Sierra d'Arcos
Partiu chudicial	Teruel
Superficie	109,5 km²
Población  • Total	176 hab. (2013)
Altaria  • Meyana	1113 m.
Distancia  • 92 km	enta Teruel
Alcalde	Ovidio Ortin Albalate
Codigo postal	44559
Parroquial  • Diocesi  • Arcipestrau  • Parroquia	Teruel y Albarracín Alcorisa Santa María la Mayor
Ríos	río de Calanda
Coordenadas	40°46’30’’N 0°33’ 10’’U
Exulve Exulve en Aragón
Web oficial

Exulve (Ejulve en castellano, Julve en castellano popular local) ye un municipio aragonés, situau en la comarca Andorra-Sierra d'Arcos. La suya población ye de 180 habitants (2018) en una superficie de 109,5 km².

Cheografía

Envista de lo cabezo de Santa Ana dende Exulve.

Esta localidat ye situada entre dos cerros (Sant Pedro y Santa Catalina) situaus a lo norte de la sierra d'Exulve. La sierra d'Exulve ye una prolongación de la sierra de Sant Chust a l'ueste de lo puerto de Majalinos, y a la que perteneixen los cabezos de Budo y de Santa Ana, que son muelas. Dende la sierra d'Exulve baixan uns cuantos barrancos que cerca de lo nuclio habitau complegan y forman lo río de Calanda. En lo sud de lo termin municipal se troban los Organos de Montoro.

En lo termin municipal d'Exulve bi heba atros nuclios de población: lo coto redondo de Mezquitiella, los casals Masada de la Solana y Masada de Valredonda, y muitas masadas, bellas 27, que amuestran un habitat ixemenau d'habitants dedicaus a l'agricultura cerealistica y a la ganadería. En l'actualidat bi ha industrias alimentarias. L'acceso a Exulve dende la N-420 se troba en lo km 60, a on que ye la venta de la Pintada.

Mugas

Lo termin municipal d'Exulve muga con los termins municipals de Molinos, Castellot, Villar Luengo, La Zoma, Aliaga y Gargallo.

Gargallo		Molinos
Aliaga, La Zoma		Castellot
	Villar Luengo

Toponimia

L'oronimo Exulve s'ha quiesto interpretar de diferents trazas. Se puede fer comparanzas con atros toponimos pareixius d'atras parz de la Peninsula Iberica.

En Galicia bi ha un Xulfe que s'ha quiesto interpretar a partir de VILLA AGIULFI u VILLA GENULFI, villas de propietarios visigodos que tenen la radiz chermanica wulf ("lobo") en l'antroponimo. Un antroponimo visigodo latinizau como AGIULFUS u GENULFUS no habría evolucionau ta un toponimo con una silaba xul ni en aragonés ni en mozarabe local.

Unatra intepretación lo fa derivar de l'antroponimo latino SULVIUS igual como Julbina en Almería. Tamién se puede fer una comparanza con lo lugar sobrarbés de Suelves, que vendría de lo latín SOLUM y se referiría a lo cabaixo d'un mont.

Las interpretacions a partir de SULVIUS y de SOLUM implican un cambio dende S- inicial ta X- inicial que s'ha dau en toponimos aragoneses latinos u prerromanos que han estau transmesos a traviés de l'arabe: Exatiel, Exeya. En aragonés la x- inicial puede ir refirmada d'una i en aragonés oriental y centro-oriental (ixaringa, ixingardana, ixordiga, ecetra), y se documenta en aragonés medieval como e- en toponimos d'orichen arabe (Exarc, que persiste en l'apelliu Ejarque). L'alternancia entre tener una vocal inicial de refirme u no se manifiesta tanto en aragonés medieval (Xulve/Xulbe alternando con Exulve/Exulbe) como en castellano popular actual (Julve alternando con Ejulve). Se considera mes popular Julve que Ejulve pero la primera yera la que s'escribiba oficialment dende 1713 dica 1797.

Bi ha bella masada con nombre aragonés: Azcón, (d'un apelliu relacionau con lo toponimo Azcón en la Ribera d'Ebro), Val de las sabinas, Los hordiales, (de puesto a on se cautiva l'hordio), La esponera, Los baciones, Masada Chulilla, (d'un apelliu que vien de lo toponimo Chuliella) y El Pairón.

Luengas y parlas

Actualment en Exulve, igual como en toda la comarca d'Andorra-Sierra d'Arcos se charra lo castellano rechional d'Aragón, con substrato lingüistico provinient de l'aragonés que se charraba en la val michana d'Ebro y a piet de lo Sistema Iberico teruelano.

Aragonesismos curiosos que no se sienten en toz los lugars son: asinas, clau, desenreligar, facer (ye castellano pero conserva a f), fartar, perillán, retorcigar, ringlera, etc.

Historia

En tiempos d'Alifonso II se fa mención d'Exulve como en uns cuantos documentos como muga de territorios cedius a órdens militars.

Cuan Alifonso II donó lo lugar de Villar Luengo a la Orden de lo Santo Redentor se menciona Axulp en un texto escrito en catalán:

E do termens a Vilar lonch per poblar Abela de Olocau sus la torre de la Cuba, la Cugulata, los pinos de Atorela axi com aquella serra Tayllada e ix a aquel Castel de Cit, la Canada Benadanduz dins stant ab sos termens e de Pitarp ença, e Noxet dins estan e hix a Font de Penela del bado de Axulp e hix a Turruella e al tornar entro a Abella.

Exulve se menciona como muga de lo termin d'Alcanyiz cuan Alifonso II d'Aragón lis ne cede a los flaires de l'Orden de Calatrava en un texto escrito en latín medieval:

Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Arannonal

Apareixe en aragonés en as actas d'as Corz d'Alcanyiz de 1436:

E stando asi la dita Cort plegada e ajustada, absent el dita senyor rey Lugartenient, ante el dita don Alfonso de Mur, lugartenient de Justicia d'Aragon, judge sobredito, e la dita Cort comparecio Pero Sorribes, afirmantse procurador de los jurados, concellos e universidades de Monrroyo, Penaroya, Rafals, Fornols, Belmont, La Fraxneda, Molinos e Exulbe

Actas d'as Corz d'Alcanyiz de 1436

Exulve estió una aldeya de la comanda d'Alcanyiz de la Orden de Calatrava. Entre 1488 y 1495 feguraba en la sobrecullida d'Alcanyiz y en 1646 en la vereda d'Alcanyiz. En 1384 teneba concello chunto con lo coto redondo de Mezquitiella. Entre 1834 y 1887, 1910 y 1920 y 1940 y 1945 perteneixió a lo partiu chudicial d'Aliaga, alternando con una pertenencia a lo partiu chudicial de Mont Albán en 1897-1900 y en 1930. En 1965 quedó en lo partiu chudicial de Teruel.

Demografía

Evolución demografica

1992 1994 1996 1997 1998 1999 2000 2001 2002 - - - - 224 238 229 224 225

2003 2004 2005 2006 2007 2008 2009 2010 2011 222 226 225 215 222 219 203 198 203

2012 2013 2014 2015 2016 2017 2018 2019 2020 208 204 194 200 189 187 180 175 177

2021 2022 2023 2024 2025 2026 2027 2028 - 178 186 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									2
Partido Popular									1
Unión Aragonesista									1
Partido Aragonés									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Lorenzo Puerto Temprano	PSOE
1983–1987
1987–1991	Lorenzo Puerto Temprano	PSOE
1991–1995	Arturo Fantova	Partido Aragonés
1995–1999	Artemio Estopañán Freixas	Partido Aragonés
1999–2003	Artemio Estopañán Freixas	Partido Aragonés
2003–2007	Artemio Estopañán Freixas	Partido Aragonés
2007–2011	José Manuel Salvador	CHA
2011–2015	Ovidio Ortín Albalate	Partido Popular
2015–2019	Ovidio Ortín Albalate	Partido Popular
2019–2023
2023–2027	Ovidio Ortin Albalate	PP

Molimentos

Molimentos relichiosos

• Ilesia de Santa María, gotico-plateresca de lo sieglo XVI.
• Ilesia de Sant Pascual, 1688.
• Ermita de Sant Per.
• Ermita de Santa Ana.

Molimentos civils

• Casa d'a Villa, 1563.

Fiestas

• 17 de mayo, Sant Pascual.
• 9 de setiembre, Natividat de la Virchen.

Vinclos externos

• (es) Pachina web Municipal.
• (es) Pachina web adedicada ta Exulve.

• Datos: Q512992
• Multimedia: Ejulve / Q512992