Republik Zypere

D Republik Zypere (griechisch: Κυπριακή Δημοκρατία, türkisch: Kıbrıs Cumhuriyeti) isch e Schdaat im östlige Mittelmeer uf der Insle Zypere. Die lit vor dr Südküste vo der Türkei, nit wiit vo Syrie, em Libanon und Israel und wird geografisch zu Asie zelt. Kulturell und politisch isch s Land aber wäge siiner Gschicht sehr schtark mit Europa verbunde.

Κυπριακή Δημοκρατία Kypriakí Dimokratía (griech.) Kıbrıs Cumhuriyeti (türk.) Republik Zypern
{{{ARTIKEL-FLAGGE}}} {{{ARTIKEL-WAPPEN}}}
Amtsspraach	Griechisch und Türkisch
Hauptstadt	Nikosia
Staatsoberhaupt	Nikos Christodoulidis
Regierigschef	Nikos Christodoulidis
Flächi	9.251 km² de jure, de facto 5.364 km²
Iiwohnerzahl	848.300
Bevölkerigsdichti	158,14 Iiwohner pro km²
Brutto­inlands­produkt pro Iiwohner	18.430 US-$ (2004)
Währig	Euro (€) 1 Euro = 100 Cent
Unabhängigkeit	von Grossbritannie am 16. August 1960
Nationalhimne	Ymnos is tin Eleftherian
Zitzone	UTC+2
Kfz-Kennzeiche	CY
Internet-TLD	.cy
Vorwahl	+357

Nachdäm Zypere 1960 vo Grossbritannie in d Unabhängigkeit entlo worde isch, het d Republik zerschd die ganzi Insle usser de britische Militär-Stützpunkt Akrotiri und Dekelia umfasst. Noch ethnische Unruhe zwüsche de Grieche und Türke und em drohende Aschluss vo Zypere an Griecheland (Enosis) het 1974 d Türkei unter Beruefig uf dr Londoner Garantiivertrag interveniert und isch in Zypere iigfalle. Die Türkischi Republik Nordzypere isch 1983 gründet worde. Si wird nur vo der Türkei völkerrächtlich anerkennt, aber d Autorität vo der Regierung vo der Republik Zypere beschränkt sich sitdäm uf ä Süddeil vo der Insle. Die türkisch-zyprische Vertreter, wo noch der Verfassig nötig si, fehle im Parlament vo der Republik Zypere. Mehreri Aläuf zur fridlige Wiidervereinigung si bis jetzt gschiteret.

D Republik Zypere isch sit 2004 Mitgliid vo der Europäische Union.

Sport

Z Zypere wörd au tschutted. De APOEL Nikosia isch de Verain vo de Hoptstadt Nikosia. Z Larnaka spillt Nea Salamina Famagusta, wo vor em Zyperekomflikt z Famagusta dihai gsi isch.

Weblink

 Commons: Zypern – Album mit Multimediadateie

• d Website vo de Botschaft vo de Republik Zypern z Berlin, Dütschland uf mfa.gov.cy
• Länderinformazione vom Usswärtige Amt vo Dütschland öber Zypern uf auswaertiges-amt.de
• d Website vom Ministerium för Usswärtegi Aaglägehaite uf mfa.gov.cy