Onbevlekte Ontvangenis van Maria
- Hierdie artikel handel oor die Onbevlekte Ontvangenis van Maria deur haar ouers. Moenie verwar word met Mariaboodskap nie.
Die fees Onbevlekte Ontvangenis van Maria (Latyn: immaculata conceptio) herdenk die afwesigheid van enige erfsonde by die Maagd Maria, omdat sy die moeder van Jesus sal word. Volgens die Rooms-Katolieke Kerk het God tydens die eerste moment van Maria se skepping haar van enige sonde beskerm en Maria het sodoende "onbevlek" gebly.[1]
Die Onbevlekte Ontvangenis word algemeen met die maagdelike geboorte van Jesus verwar; laasgenoemde verwys egter na Jesus se Menswording. Terwyl baie Christene aan die maagdelike geboorte van Jesus glo, is dit veral Rooms-Katolieke en verskeie ander Christelike kerke, wat aan die Onbevlekte Ontvangenis van Maria glo. Volgens hierdie leerstelling is Maria deur haar ouers, wie se name Anna en Joachim net in apokriewe boeke genoem word, op 'n natuurlike manier verwek, ontvang en gebore, maar alles het sonder erfsonde gebeur.
Alhoewel die oortuiging van Maria se sondeloosheid of haar swangerskap sonder oorspronklike sonde sedert die Laat Antieke tydperk wyd gehou word, was die leerstelling tot in 1854 nie dogmaties gedefinieer nie, toe Pous Pius IX, ex cathedra, dit wil sê deur middel van die pouslike onfeilbaarheid, in sy bul Ineffabilis Deus[2] die Onbevlekte Ontvangenis tot 'n dogma verhef het. Die Rooms-Katolieke Kerk vier die Onbevlekte Ontvangenis van Maria op 8 Desember; in baie Rooms-Katolieke lande is dit 'n heilige dag van verpligtings of ' patronale fees, en in sommige ander 'n nasionale vakansiedag.[3] Dit word dus nege maande voor die dalk ouere fees Mariageboorte op 8 Desember gevier. Tientalle kerke is aan die leerstelling van Onbevlekte Ontvangenis van Maria gewy.
Verwysings
[wysig | wysig bron]- ↑ (en) Pius IX. "Ineffabilis Deus". Papal Encyclicals Online. Besoek op 25 Augustus 2019.
- ↑ "Catechism of the Catholic Church – "Conceived by the power of the Holy Spirit and born of the Virgin Mary"". www.vatican.va (in Engels). Geargiveer vanaf die oorspronklike op 23 Oktober 2019. Besoek op 25 Augustus 2019.
- ↑ "Christianity: Immaculate Conception" (in Engels). BBC. Geargiveer vanaf die oorspronklike op 12 November 2019. Besoek op 25 Augustus 2019.
Eksterne skakels
[wysig | wysig bron]
Wikimedia Commons het meer media in die kategorie Onbevlekte Ontvangenis van Maria.- (en) "Immaculate Conception". Catholic Encyclopædia. Besoek op 25 Augustus 2019.
- (de) "Maria – Immaculata Conceptio – unbefleckte Empfängnis". Ökumenisches Heiligenlexikon. Besoek op 25 Augustus 2019.
- (en) "Immaculate Conception". Encyclopædia Britannica. Besoek op 25 Augustus 2019.
Christelike feeste en herdenkings (chronologies) | ||
|---|---|---|
| Kerskring |  | |
| Paaskring | ||
| Jaarkring | ||
| Mariafeeste | ||
