Cheetoh

Cheetoh
Land	VSA
Ontstaan	Hibride
Pels	Kort
Patroon	Kolle
Wetenskaplike naam
Felis catus (huiskat)
x Prionailurus bengalensis Nota: Slegs erken deur The International Cat Association (TICA).
Portaal    Katte

Die Cheetoh is ’n kortharige, hibridiese katras.

Geskiedenis

Die kat is ontwikkel deur die kruising van spesifieke bloedlyne van die Bengaalse kat en Ocicat. Dit is ’n nuwe ras en dus baie skaars. Omdat een van sy voorouers, die Bengaalse kat, ’n hibride is, word die Cheetoh ook as ’n hibride geklassifiseer. Die enigste katregister wat dit erken, is The International Cat Association (TICA).

Voorkoms

Die Cheetoh het die kenmerkende kolle van albei rasse waaruit hy ontstaan het. Hy het ook die lang bene van die Ocicat. Die doel van die Cheetoh-teelprogram was om ’n intelligente kat te ontwikkel wat aansienlik groter as ander katte is en met ’n wilde voorkoms sonder dat verdere "wilde" bloed bygevoeg word. Dit het ’n gladde, fluweelagtige pels. Behalwe sy voorkoms is ’n kenmerkende eienskap sy "wildekat"-manier van loop. Dit lyk of hy altyd op die jag uit is.

Daar is tans sewe kleurvariëteite: siënna (geelbruin) met swart of bruin kolle, goud met swart of bruin kolle, rookkleur met swart kolle, silwer met swart kolle, en die rooipunt met goue kolle. Ondanks hul voorkoms is die katte liefdevol en sosiaal.

Sien ook

Lys van katrasse

Eksterne skakels

• The International Cheetoh Breeders Association