麻生太郎
| 麻生太郎 | |
|---|---|
 | |
| 出世 | 1940年9月20號 大日本帝國九州福岡縣飯塚市 |
| 國籍 |  日本 |
| 職業 | 第96任日本副總理兼財務大臣、金融擔當大臣 |
| 出名原因 | 日本自由民主黨領袖 第92任日本內閣總理大臣 |
麻生太郎（粵拼：maa4 sang1 taai3 long4；日文：
家族
[編輯]麻生太郎出身政商世家，老豆嗰邊係九州嘅地方財閥，阿爺已經係貴族院議員，屋企更加係同日本皇室對親家，佢個妹信子嫁咗畀寬仁親王。佢阿公係日本首相吉田茂，由於吉田茂老婆係日本「維新三傑」之一嘅大久保利通個孫女，所以佢都可以話係大久保利通嘅後代。佢老婆就係另一個日本首相鈴木善幸嘅三女千賀子。
佢同老婆有兩個細路，分別係大仔將豐同埋細女彩子。
得意事
[編輯]- 麻生太郎公認係一個漫畫迷，曾經畀人見到佢喺機場嗰陣，揸住本《薔薇少女》喺度睇，畀人改花名做「薔薇麻生」。
- 麻生太郎出名講嘢唔經大腦、亂噏廿四，曾經講過「唔睇新聞嘅人至會投票畀我哋（自民黨）」、「性騷擾唔係罪」、又話政府嘥太多錢喺老人嘅臨終醫療上面，「希望班老人家快啲死」等等。
