雅虎香港（英文：Yahoo! Hong Kong）係雅虎1999年喺香港成立嘅分站。雅虎喺創立初期嘅市場佔有率巨大，競爭對手包括有：Google、MSN、新浪網等。雅虎香港曾經推出多個功能，例如雅虎網上遊戲、網上相簿、拍賣、網誌、知識+等，不過多個功能經過重整之後已經取消咗，現時主力發展喺新聞同資訊內容，為用戶轉載大量唔同網站嘅文章，另外亦邀請多位名人擔任專欄作家。
