長江和記實業
 |
提示：呢篇文講嘅唔係長和國際實業。| CK Hutchison Holdings Limited | |
 | |
| 類型 | 上市公司 |
|---|---|
| 股票代號 | 港交所：0001、OTCBB：CKHUY |
| ISIN | KYG217651051  |
| 前身 | 和記黃埔 長江集團 |
| 董事局主席 | 李嘉誠 |
| 董事總經理 | 李澤鉅（董事局副主席兼任） 霍建寧 |
| 總部地址 | 香港中環皇后大道中2號 長江集團中心12樓 |
| 產業 | 綜合企業 |
| 產品 | 多元項目、股票投資 |
| 子公司 | 長江實業 和記黃埔 |
| 網址 | CKH.com.hk |
長江和記實業有限公司，又叫長江和記實業，同長和（英文：CK Hutchison Holdings Limited，港交所：0001、OTCBB：CKHUY），2014年12月11號喺開曼群島註冊公司，大本營喺香港，係長江實業（集團）有限公司同和記黃埔有限公司嘅控股公司[1]。
而家董事局主席係李澤鉅，聯席董事總經理係李澤鉅同霍建寧。喺2015年3月18號，原有長江實業（或長實）股份撤銷港交所上市後，換取呢間公司上市[2]，同時正式成為恆生指數成份股[3]，業務喺香港同全球經營港口同相關服務、零售、基建、能源同電訊[4][5]。
2015年6月3號，長和已搞掂放嗮原有長實同和黃若干旗下房地產業務，並完成分拆長實地產喺港交所上市[6]。
2015年8月6號，長江和記實業旗下3意大利，同VimpelCom旗下Wind Telecomunicazioni S.p.A. (WIND)合併，根據資料，分別流動同固網電訊客戶總數分別超過 3,100 萬同 280 萬[7]。
2015年9月8號，長和旗下長江基建計劃同旗下公司電能實業合併，過程指出，電能實業將會以1股換取1.04股長江基建股份，其次長江基建將會派發5港紙股息，係股東大會批准後，改名「長江基建實業（集團）有限公司」（英文：CK Infrastructure Assets (Holdings) Limited），其次會撤銷電能實業上市[8][9][10]。
2015年10月7號，長和旗下長江基建計劃同旗下公司電能實業合併，將原有1.04股同派發5港紙股息，分別提高至以1股換取1.066股長江基建股份，同派發7.5港紙股息，原因係受到投資者提出意願[11]，不過計劃失敗。
業務
[編輯]- 港口同相關業務：喺香港嘅旗艦公司香港國際貨櫃碼頭係全球最繁忙嘅獨立貨櫃碼頭經營商，和記黃埔港口就係全球最具領導地位嘅港口投資、發展同經營商，業務覆蓋整個物流供應鏈，包括機場、鐵路同船舶維修等運輸同物流相關服務，包埋亞洲、中東、非洲、歐洲和美洲。
- 零售：屈臣氏集團經營呢間企業旗下嘅零售同製造業務，喺亞洲建立嘅旗艦零售連鎖店包括屈臣氏個人護理商店、百佳超級市場、TASTE新一代美食廣場、GOURMET時尚美食購物廣場、GREAT美食購物廣場、豐澤電器同電子產品店、屈臣氏酒窖同Nuance-Watson機場免稅店。喺歐洲，屈臣氏集團嘅零售網絡包括保健同美容產品連鎖店品牌：DC、Drogas、Kruidvat、Rossmann、Savers、Superdrug、Trekpleister 、Spektr與屈臣氏個人護理商店，同高級香水同化妝品品牌：Marionnaud、ICI PARIS XL同The Perfume Shop。屈臣氏集團而家係全球最大嘅保健同美容產品零售商。
- 能源、基建、投資同其他：長江基建集團（「長江基建」）係集團嘅基建部門，經營多元化基建業務，包括交通運輸、能源、基建材料、水廠同相關業務。集團揸住香港電燈集團（包括港燈電力投資）（「港燈」）嘅權益，亦係赫斯基能源主要股東。港燈係香港島同南丫島唯一嘅電力供應商；而赫斯基能源就係加拿大最大規模嘅能源同相關業務企業之一。
- 電訊：和黃喺流動多媒體通訊領域用「3」做牌子，首先推出第3代（3G）手機同網絡服務。旗下嘅和記電訊國際有限公司（和電國際）喺香港、澳門、以色列、泰國、印尼、越南同斯里蘭卡經營流動電話網絡同提供數據服務。
- 電台廣播業務：新城電台喺1991年下半年啟播，中斷商業電台喺香港以往接近35年嘅非公營電台廣播壟斷局面，現時新城有三條頻道：即新城知訊台、新城財經台同新城采訊台。
旗下企業
[編輯]喺主板同海外上市：
- 電能實業（港交所：0006）
- 和黃醫藥（港交所：0013，LSE：HCM）
- 和記電訊香港控股（港交所：0215）
- 長江生命科技（港交所：0775，前創業板上市代號為8222。）
- 置富產業信託（港交所：0778）
- 泓富產業信託（港交所：0808）
- 長江基建（港交所：1038）
- 長實集團（港交所：1113）
- TOM集團（港交所：2383，前創業板上市代號為8001。）
- 港燈電力投資（港交所：2638）
- 匯賢產業信託（港交所：87001）
- 和記港口信託（SGX：NS8U）
- 赫斯基能源公司（TSX：HSE、TSX：HSE.PR.A）
非上市企業：
- 長江實業（集團）有限公司
- 和記黃埔有限公司
- 新城廣播有限公司
- 青洲英坭
- 屈臣氏集團
- 香港聯合船塢
- 香港內河碼頭
- 香港空運貨站
- 長江信息
- 經絡集團（香港）
- 尚乘集團（包括尚乘財富策劃）
- amtdBuylaBuy
攷
[編輯]- ↑ 重組通告1
- ↑ 重組通告2
- ↑ 恒生指數系列成份股變動 互聯網檔案館嘅歸檔，歸檔日期2015年4月2號，.恆生指數有限公司
- ↑ 長江和記實業有限公司架構
- ↑ 長江和記實業有限公司簡介
- ↑ 持續關連交易通告
- ↑ 長江和記與 VimpelCom 成立合資企業 營運意大利電訊業務 由長江和記實業有限公司刊發
- ↑ 建議合併長江基建集團有限公司與電能實業有限公司 涉及透過協議安排方式 向電能實業有限公司計劃股東提出股份交換要約 以註銷所有計劃股份（長江和記實業有限公司）通告
- ↑ 建議合併長江基建集團有限公司與電能實業有限公司 涉及透過協議安排方式 向電能實業有限公司計劃股東提出股份交換要約 以註銷所有計劃股份（電能實業有限公司）通告
- ↑ 建議合併長江基建集團有限公司與電能實業有限公司 涉及透過協議安排方式 向電能實業有限公司計劃股東提出股份交換要約 以註銷所有計劃股份（長江基建集團有限公司）通告
- ↑ 建議合併長江基建與電能實業 (1) 新建議的應付計劃股東註銷代價 (2) 新建議的長江基建特別股息金額 (3) 建議增加長江基建法定股本 (4) 預期寄發計劃文件及長江基建通函日期通告