第6屆香港立法會補選 (2018年11月)

第6屆香港立法會第2次補選又叫做2018年11月香港立法會補選，響2018年11月25號舉行，以填補喺香港高等法院裁定由2016年10月12號開始喪失立法會議員就任資格嘅劉小麗喺地區直選九龍西選區嘅民選議席空缺。

呢次補選係香港立法機關補選相隔最短嘅一次（只係約莫8個月），亦係頭一次同一年搞兩次立法機關補選。

今次補選由陳凱欣當選^[1]，係建制派連續兩次響補選打贏泛民主派。