無形之手

無形之手mou4 jing4 zi1 sau2（英文：invisible hand）係由經濟學之父亞當史密夫（Adam Smith）提出嘅一個概念。

無形之手簡單講係噉：個體人類正路會係為咗自己利益而作出經濟決策，但佢哋嘅自私行為好多時會無意中引致一啲對社會整體嚟講有利嘅效果，就彷彿好似佢哋俾隻無形嘅手帶引緊噉樣，例：一個生意人為咗自己賺錢搞生意，搞得成功，佢自己賺到錢（佢自己著數）之餘又為自己身處嗰個城市創造工作職位（其他人都跟住有著數）。

對經濟政策嘅爭詏好多時就係圍繞住「無形之手有幾勁」－覺得無形之手唔夠勁嘅人，往往會覺得政府有必要介入經濟事務，所以會支持政府出手干預市場^[1]。