涼茶鋪
 |
涼茶舖，又寫做涼茶鋪，又叫涼茶店，係賣涼茶嘅嘅鋪頭。而家涼茶店嘅生意模式係中藥鋪兼賣涼茶同埋有中醫師睇中醫；又或者涼茶店賣埋甜品、龜苓膏、西米露咁。
參考香港歷史博物館，嚮1970年代左右，涼茶店係聽歌、睇電視、約女仔、講心事嘅時尚地方。當時因為唱片好貴，涼茶店有點唱機，流行貓王皮禮士利同埋披頭四。男仔幫襯涼茶店，入銀點唱機點唱畀對面位女仔聽，叫佢留意歌詞，啱聽就識到人去拍拖。
嚮唱機同電視機重係新科技嘅年代，好少人自己屋企有電視，所以想睇電視就要去涼茶舖，當時睇電視好似去戲院睇戲咁，叫杯涼茶先可以坐低同街坊一齊睇電視。當時電視係黑白片，冇話睇通宵嘅，夜晚零晨前電視台同涼茶舖都收工啦。
 |