李炎

李瀍

李炎（粵拼：lei5 jim4；814年7月2號—846年4月22號），原名李瀍（瀍讀前，lei5 cin4），臨死前12日改名爲「炎」，係大唐第十五位皇帝（唔計武則天），840年到846年在位，跟廟號叫唐武宗（tong4 mou5 zung1）。

李炎做皇帝期間，重用李德裕，而李德裕提倡「政歸中書」等政策。喺李德裕嘅執政之下，大唐慢慢回復元氣，被稱為會昌中興。而佢外攘回紇，內平澤潞，威震中外；重嚴肅整頓吏治，裁汰冗官，制馭宦官，令到大唐朝政煥然一新。

會昌五年（845年）三月，李炎敕令唔准天下寺院建置莊園，又下令勘檢所有寺院同埋佢哋所屬僧尼、奴婢、財產嘅數目。四月，李炎下敕滅佛，規定西京長安只可以保留四座佛寺，每寺留僧十人，東京洛陽留低兩座佛寺，其餘節度使嘅首府共34州留低一間佛寺，其他刺史所屬嘅州份不得保留佛寺。其他佛寺全部摧毀，僧尼皆令還俗，所有廢寺銅鑄嘅佛像、鐘磬全部銷熔鑄錢，鐵鑄嘅交本州銷鑄為農具，史稱「會昌滅佛」。

846年，李炎因病瓜老襯，叔父李忱繼位。