月亮
| ||||
|---|---|---|---|---|
 | ||||
| 軌道離心率 | 0.0567 ±0.0001  | |||
| 視星等 | −12.74 | |||
| 個名嚟自 | 光 | |||
| 軌道傾斜角 | 5.145 角度 | |||
| 質量 | 73.4767 ±0.0033 | |||
| 溫度 | 95 開氏、390 開氏 | |||
| 半徑 | 1,737.1 千米、1,738.14 千米、1,735.97 千米 | |||
| 公轉週期 | 27.321661 日 (曆法) | |||
| 半長軸 | 384,400 千米 | |||
| 體積 | 21,968,000,000 立方米 | |||
| 遠日點距離 | 405,500 千米 | |||
| 近日點距離 | 363,300 千米 | |||
| 同地球嘅距離 | 385,000.5 千米 | |||
| 天文符號 |  | |||
| 母星體 | 地球 | |||
| 軌道嘅類型 | highly elliptical orbit | |||
[改維基數據] | ||||
月亮，簡稱月，有指舊時叫做月光[1]，古代叫太陰，天文學上叫佢做月球或者地衛一，用
來代表佢，係地球唯一嘅天然衞星，太陽系第五大衞星。佢嘅標誌係新月。月亮係地球望上天第二光嘅嘢，夜晚重係最光嘅嘢。而叫月球，就係天文學家發現，月亮其實係一個球體，作以就叫月球喇。而科學文章多數叫佢做月球。
月球同地球嘅平均距離係384,405千米（238,857英里）。月球嘅直徑係3,476千米（2,160英里）。由月球反射嘅太陽光，用1.3秒就射到落地球。
1969年9月美國派出「阿波羅11號」太空船往返月球，任務期間杭思朗同艾德靈成為最先登陸月球嘅人。美國「阿波羅」登月計畫至阿波羅17號完。
形成
[編輯]捕獲論
[編輯]捕獲論認為月球一開始並唔係地球嘅衛星，係一粒圍住太陽轉嘅小行星，之後畀地球嘅引力吸住咗，變咗做衛星。
撞擊論
[編輯]撞擊論就認為，好耐以前有一粒火星咁大嘅行星，叫做世亞，撞咗落地球，然後佢同地球嘅碎片因為引力黐埋一齊，變咗做月球。
離心論
[編輯]喺離心論入面，當地球形成嗰陣，月球因為離心力由熔融嘅地球表面剝離，但係呢個理論解釋地月系統高角動量。
正面同背面
[編輯]月球係一個天然衞星，月球嘅正面永遠對住地球。另一方面，除咗響月面邊沿附近嘅區域因天秤動而間中可見之外，月球嘅背面絕大部分唔可能由地球睇得見。響冇太空探測器嘅年代，月球嘅背面一直係個未知嘅世界。
月球背面嘅一大特色係佢幾乎冇月海呢種較暗嘅月面特徵。而當探測器運行到月球背面嗰陣，佢就唔可以同地球直接通訊。
|
| |
| 正面（地球上睇到） | 背面（地球上睇唔到） |
月蝕
[編輯]
月蝕係一種特殊嘅天文現象，指當月球運行到地球嘅陰影部份嗰陣，即係太陽、地球、月球啱啱好（或幾乎）響同一條直線上，響月球同地球之間嘅地區會因為太陽光被地球擋咗，睇到月球少咗一嚿。
水嘅存在
[編輯]自古以來，彗星同隕星不斷咁撞擊月球。呢哋物體中嘅大部分都有水。來自太陽光嘅能量將呢哋大部分嘅水分分解成組成佢嘅元素，氫同氧。兩者通常都會即刻飛離月球。但係，有科學家提出假說，認為重有相當含量嘅水喺月球之上，例如響表面或深藏響月殼入面。美國克萊門汀任務顯示，一啲細小嘅水冰冰塊（含水彗星撞擊後嘅碎片）可能收埋響永久冇太陽照區域嘅月殼入面未融。雖然呢哋冰塊好細，但總水量可能相當可觀（約有1立方公里）。
而有啲水分子，亦可能響月面彈跳其間跌入隕石坑而收埋響入便。由於月球自轉軸相對於黃道面法線有1.5度嘅輕微傾斜，部分極區嘅隕石坑底部從來冇受太陽光照射，響永久嘅影子入便。克萊門汀任務曾經測量月球南極呢哋隕石坑並繪製成地圖[2]。科學家期望可以響呢類隕石坑中揾到水冰，並開採同利用太陽能電力或者核能來電解成氫同氧。月球上可用嘅水量大大影響咗人類響月球上住嘅成本，因為由地球運送水（或氫同氧）貴到不切實際。
由阿波羅號上嘅太空人響月球赤道附近收集嘅岩石冇任何水分。月球勘探者號或其他近期研究（例如：史密森學會）都冇揾到液態水、冰或者水蒸氣嘅直接証據。然而，月球勘探者號嘅結果指出響永久無日照區有氫，並可能以水冰嘅形式存在。
2009年11月13號美國太空總署宣布響月球發現水，兩粒衞星月球坑觀測同感測衞星響10月初撞月球南極所彈出嘅塵，科學家分析有關數據，確認月球有水[3] [4]。
內部構造
[編輯]| 化合物成分 | 型式 | 成分 (wt %) | |
|---|---|---|---|
| 海 | 高地 | ||
| 二氧化矽 | SiO2 | 45.4% | 45.5% |
| 氧化鋁 | Al2O3 | 14.9% | 24.0% |
| 氧化鈣 | CaO | 11.8% | 15.9% |
| 氧化鐵 | FeO | 14.1% | 5.9% |
| 氧化鎂 | MgO | 9.2% | 7.5% |
| 二氧化鈦 | TiO2 | 3.9% | 0.6% |
| 氧化鈉 | Na2O | 0.6% | 0.6% |
| 總計 | 99.9% | 100.0% | |
睇埋
[編輯]參考
[編輯]- ↑ 廣東俗語考 釋天時
- ↑ "Clementine Explores the Moon". www.lpi.usra.edu. 喺2022-06-16搵到.
- ↑ 〈美國太空總署宣布月球發現水〉。《中國廣播公司》。14-11-2009。
{{cite news}}: Check date values in:|date=(help)CS1 maint: url-status (link) - ↑ 〈美国航天局13日宣布:月球上存在水〉。《網易》。14-11-2009。
{{cite news}}: Check date values in:|date=(help) - ↑ Taylor, Stuart Ross (1975). Lunar science: A post-Apollo view. New York, Pergamon Press, Inc. p. 64.
