康熙字典
《康熙字典》（粵拼：hong1 hei1 zi6 din2），亦都寫做《康煕字典》，喺大清康熙年間由翰林院嘅張玉書同陳廷敬主編，參考大明嘅《字彙》、《正字通》兩本書而編寫嘅中文辭典。由康熙五年寫到康熙五十五年（1716年）至成書，重印次數多到數唔倒。
《康熙字典》總共有 4萬7035 個字，分成 12 集，用 214 個部首分類，有反切注音、出處、參考等等。另外仲附有《字母切韻要法》同《等韻切音指南》。
《康熙字典》字頭之下列有嗰個字嘅唔同音切同意義，除僻字僻義之外都有引書為證。清代法律規定，凡讀書人應考科舉考試，寫嘅字必須攞《康熙字典》做標準，因此，該書對學術界影響好大，成書之後好流行，即使今時今日，都仲係一本好有用嘅工具書。
《康熙字典》有清代嘅木刻本，晚清時，上海出現幾種影印本，中華書局舊時用同文書局嘅影印本做底本，製成鋅版，而家利用存版重印，並且附有王引之嘅字典考證擺響後面，攞嚟參考。
