七七事變

盧溝橋事變
中國抗日戰爭嘅一部分
日軍炮打宛平。
日期： 1937年7月7號 地點： 北平-天津附近 結果： 日本勝利
參戰方
中華民國	大日本帝國
指揮官同領導者
宋哲元 秦德純	橋本群
兵力
100000	6500
傷亡同損失
?	?

盧溝橋事變／七七事變／七七盧溝橋事變，係1937年7月7號發生喺中華民國河北省宛平縣盧溝橋嘅中日軍事衝突，日本就此全面進攻中國。七七事變係中國展開全國對日八年抗戰嘅起點。

政治背景

自1937年日本二二六事件開始，日本國內政局動蕩不安，政府迫切需要轉移國內民眾嘅視線，解決接踵而來嘅經濟、政治問題。而《何梅協定》簽訂之後，中華民國政府響華北嘅勢力銳減，客觀上為日本發動戰爭提供咗有利條件。

1936年西安事變和平解決之後，中國國民黨同中國共產黨達成協議共同抗日，兩黨再次走向聯合，亦即係所謂嘅第二次國共合作。

地理背景

盧溝橋喺北平城西南約15公里嘅永定河，係北京通往南部各地嘅咽喉要道。宛平城建於1640年，係捍衛北京城嘅軍事要塞。

經過

1937年6月起，日本嘅中國駐屯軍幾乎每日都喺盧溝橋附近進行所謂嘅軍事演習。

1937年7月7號日本嘅中國駐屯軍係未通知中國北平地方當局嘅情況下，響國民革命軍駐地附近進行「軍事演習」。夜晚日軍話有一個士兵失蹤，要求進入北平西南嘅宛平縣城（現時嘅盧溝橋鎮）搜查。國軍拒絕咗呢個無理要求。日軍於是喺夜晚八點開槍開炮猛轟北平盧溝橋，向城內嘅中國守軍進攻。國民革命軍第29軍37師219團（團長吉星文）奮起還擊。

事件後第二日中國共產黨就發表抗日通電，要求中華民國政府儘快履行喺西安事變時嘅承諾。時任國民政府軍事委員會委員長嘅蔣介石響7月17號喺廬山談話會上邊宣佈準備應戰同埋必要時守土抗戰到底嘅決心。7月28號、7月30號，日軍相繼佔領北平、天津。中國抗日戰爭（又稱第二次中日戰爭）正式爆發。

盧溝橋（2005年）

軍隊配置

中國

• 國民革命軍第29軍 軍長 宋哲元 副軍長 佟麟閣
  • 第37師 師長 馮治安 駐守北平，南苑，西苑，豐台
  • 第38師 師長 張自忠 駐守天津，大沽，滄縣，廊坊
  • 第132師 師長 趙登禹 駐守河北省大名，河間
  • 第143師 師長 劉汝明 駐守張家口，張北，懷來
  • 第9騎兵師 師長 鄭大章 駐守通縣，南苑

日本

• 中國駐屯軍步兵旅團　旅團長河邊正三少將
  • 步兵第一聯隊　聯隊長牟田口廉也大佐
    • 步兵第三大隊　大隊長一木清直少佐
      • 步兵第八中隊　中隊長清水節郎大尉

• 北平特務機關長　松井太久郎大佐

其他理論

埋伏於民國政府嘅中共臥底張克俠寫咗本回憶錄，話蘆溝橋事變係劉少奇指示佢等人執行之任務，所特登引起嘅，目的係引日本同民國打仗，削弱彼此實力，令中共從旁得利。

連出去

• 日中戰爭的序幕的七七事變（鳥飼行博研究室）