中山八站

中山八 Zhongshanba
中山八站嘅站名
概覽
冧巴	503
位置	荔灣區中山八路（南岸路東邊）
座標	23°7′42.6″N 113°13′42.5″E
車站色
經過路線	5
啟站	2009年12月28號
月台數	1
站口數	3
營運資訊
車站服務時間	06:20～23:42
列車服務時間	06:15～23:37
廣州地鐵5號綫 滘口　◄坦尾 （1.5km） （1.4km）西場►　黃埔新港

中山八站（粵拼：zung1 saan1 baat3 zaam6；英文：Zhongshanba Station），規劃時期嗌過中山八路站（zung1 saan1 baat3 lou6 zaam6；Zhongshan 8 Lu Station），係廣州地鐵5號綫嘅車站，2009年12月28號開放，位置喺荔灣區中山八路同南岸路嘅交界東邊。

結構

樓層

呢個站一共有2層樓嘅地下區域。其中地下1樓係站廳，有票務設施，客務中心同商鋪；地下2樓係5號綫月台。同大多數嘅5號綫車站一樣，冇休息室同廁所響度。

打掂

地下 一樓	站廳	售票機、客服中心、商鋪、警務室、安檢設施
地下 二樓	2月台	←5號綫列車去坦尾站（行滘口嗰邊）
	島式月台，開左邊門
	1月台	5號綫列車去西場站（行黃埔新港嗰邊）→

打橫

中山八站嘅站廳

中山八站嘅月台（行滘口個邊）

柱上啲字

站廳

中山八站嘅收費區喺站廳嘅中間偏南嘅位，而西邊係人行通道，周圍都俾商舖圍住嗮。而收費區有扶手電梯同樓梯、專用𨋢往返月台。

月台

呢個站有個島式月台，喺中山八路嘅地底。

另外，呢個站嘅月台東邊有條存車線響度，若果5號綫東邊路線出冬瓜豆腐，去文冲站啲車就喺呢條存車線返轉頭。嗰時去西場到文冲嘅車要出站轉其它交通工具。

商舖同自助服務

而家嘅中山八站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖等。

另外，中山八站入面重有好多自助服務設施畀乘客用，包括咗自動櫃員機、自動販賣機、自動影相機等；重有充羊城通，交水電費同交通嘅罰錢、查地鐵嘅路線、頭尾班車同埋地鐵嘅安全指引服務，重可以畀乘客登記做廣州地鐵薈嘅會員嚟查獎分、換獎品。

商舖 華潤萬家VinGo 天天洗衣 日閱堂 利口福 鄧老涼茶

自助服務 自助影相機 招商銀行自動櫃員機 自動販賣機 M-Touch地鐵資料查詢 好易（Hotye）多媒體自助服務終端

出入口

中山八站冚唪唥嘅出入口
A出入口 A出入口  B出入口 B出入口  D出入口附近 D出入口附近

呢個站有3個出入口，分別係A、B、D。從2017年11月14號開始實行嚴格安檢制度之後，除咗往返A同D出入口之間毋須接受安檢之外，B出入口同A、D是旦一個出入口之間當成過街通道往返嘅話，都要接受人過安全門、物過X光機、液體過檢測儀嘅制度。

冧巴	標記	方位	去到邊度
出入口A	中山八路	西南	中山八路、黃沙大道、泮塘、廣佛汽車客運站、荔灣湖公園、中山八路巴士站
出入口B	中山八路	東北	中山八路、周門南路、彩虹街、廣州市西關外國語學校、中山八路巴士站
出入口D	中山八路	西北	南岸路、青年公園、中山八路公交總站
註： 有盲人引導徑 | 有斜道 | 有輪椅升降臺

頭尾班車信息同配線圖

配線圖
例 █ 5號綫 ▲　西場站 沙貝海 ▼　坦尾站

行去邊頭	頭班車	尾班車
每日
5號綫
去滘口站	06:17	23:41
去黃埔新港站	06:19	23:04
去文沖站	06:19	23:34
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

1號綫嘅車站（已經取消咗）

呢個站最早喺1987年嘅方案入面，其中第一個方案就係依家嘅1號綫。嗰時係過咗黃沙之後行嘅路線比依家偏向西邊轉彎入咗中山路之後，去到荔灣路口東邊有個嗌「中山八站」嘅車站。嗰時嘅中山八站喺而家嘅周門南路口對面嘅富力廣場嗰頭。後嚟徵求咗市民意見之後搞咗「十字線網」規劃，最後中山八站向東移咗過去而家嘅陳家祠廣場嗰度，就唔再行中山八路嗰邊。

5號綫嘅車站

喺1997年嘅《廣州市城市快速軌道交通線網規劃研究（最終報告）》入面話，嗰時方案B入面嘅5號綫嘅車站。後嚟喺2003年嘅規劃入面，呢個站定咗係依家5號線入面嘅其中一個車站。

11號綫嘅車站

喺2008年嘅規劃方案入面話有條環線停呢個站。後嚟所謂嘅「環線」喺2010年嘅方案入面變咗而家起緊嘅11號綫嘅車站。

施工

2018年5月28號，11號綫喺度起緊。

5號綫

2006年秋開始逳手起，2007年12月封頂。

11號綫

• 2016年3月29號：路線開始逳手起。
• 2018年6月10號：路線開始入場施工，原先地鐵站廳東北角預留未起嘅出入口正式搞改造。
• 2018年6月18號：受到路線入場施工影響，部份喺中山八路總站入面停嘅部份巴士搬到第個總站入面。

營運

2009年12月28號，5號綫通車之後，呢個站正式開放。

出入口

呢個站喺開通初期，凈係開咗B同D兩個出入口，A出入口喺2016年2月5號開埋。

逳手起11號綫之前，勘探穿隧道意外

5號綫出現嘅所謂「列車晚點」（藍綠色方框入面嘅顯示屏寫住嗰個）。影相時間：2014年8月28號12點17分28秒，影相位置：1號綫體育中心站。

喺2014年8月28號上晝，由於5號綫呢個站嘅中-西區間俾地面施工單位唔按規定施工，而係用鑽探機亂咁嚟鑽，結果鑽穿咗個隧道，搞到5號綫嘅淘金站或西邊嘅路線出現咗大面積晚點、甚至有部分車站停運。尤其係淘金站，出現咗大量乘客滯留嘅情況。而地鐵公司調整咗行車班次，重組織埋巴士接駁。喺呢日12點08分排除咗隱患，成條5號綫恢復返正常。

根據初步調查話呢單嘢係廣州地鐵11號綫勘察三標段嘅鑽探施工單位——廣州中煤江南基礎工程公司自己隨便改咗個鑽探窿位，先至搞出呢單冬瓜豆腐嘅。而佢嘅設計方案係話個鑽窿位喺廣州地鐵5號綫嘅隧道中心線南邊嘅10.42米嗰度，雖然唔會影響而家5號綫嘅營運，但勘探單位話施工會影響中山八路嘅交通，結果佢冇辦到相關手續就自己亂咁改個鑽窿位喺原嚟嘅北邊。而負責起地鐵路線嘅監理單位——鐵道第三勘察設計院，都冇核查到所謂「亂咁喐嘅窿位」，結果就鑽穿咗條隧道。

利用狀況

由於呢個站上面啱啱好有個汽車站同巴士總站響度，所以重有好多乘客成日嚟呢個站坐客運站嗰啲車嘅（附近有去佛山禪城同開平啲車嘅車站）。重有，廣州市西關外國語學校同埋廣州市荔灣中學嘅學生仔有時都會用呢個站坐車嘅。附近重有個服裝批發市場，重有個荔灣湖公園嘅正門響度，喺夏天嗰陣有一小部份嘅泳客成日去西郊泳場游水嗰陣都係嚟呢個站嘅。由於呢個站附近係泮塘同埋啲民居嘅地方（附近重有條火車軌），所以呢個站都幾多人下，但係好少見到好似體育西路站、崗頂站、昌崗站、烈士陵園站、楊箕站、廣州火車站、天河客運站、萬勝圍站入面出現過嘅人山人海情況。

附近嘅建築同埋景區

西郊泳場

廣佛汽車客運站

荔灣區外語職業高級中學

公園

• 荔灣湖公園
• 廣州青年公園

公眾泳池

• 西郊泳場

商場

• 富力兒童世界童裝批發市場

汽車站

• 中山八路總站
• 廣佛汽車客運站

酒樓

• 泮溪酒家

祠堂

• 仁威廟

社區

• 泮塘社區
• 周門社區

學校

• 荔灣區外語職業高級中學
• 廣州市西關外國語學校

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
坦尾站 滘口站←	中山八站 5號綫	西場站 →黃埔新港站
如意坊站 逆時針←	中山八站 11號綫	彩虹橋站 →順時針
提醒：11號綫喺度起緊。