Bí-kok liân-pang chèng-hú

Bí-kok kok-hui.

Bí-kok liân-pang chèng-hú (美國聯邦政府) iû li̍p-hoat, hêng-chèng kap su-hoat saⁿ ê hun-chi lâi cho͘-sêng. Bí-kok Hiàn-hoat tùi Liân-pang-chèng-hú ê múi chi̍t ê hun-chi ê chit-khoân lóng ū bêng-khak ê kui-tēng.

Hō-miâ

Bí-kok Hiàn-hoat lāi-bīn tû-liáu "America Ha̍p-chiòng-kok" (United States of America) í-gōa, pēng bô te̍k-pia̍t siat-kè liân-pang chèng-hú ê hō-miâ. Tī in-ê kong-bûn-su lāi-bīn, ē sú-iōng "America Ha̍p-chiòng-kok Chèng-hú" (Government of the United States of America) he̍k-chiá "Ha̍p-chiòng-kok Chèng-hú" (United States Government), lâi choan-bûn tāi-piáu liân-pang chèng-hú, kap koh chiu ê chèng-hú chò khu-pia̍t. Nā tī hui-chèng-sek ê tiûⁿ-ha̍p, tiāⁿ ēng "Liân-pang Chèng-hú" (Federal Government), lēng-gōa "Kok-ka Chéng-hú" (National Government) ia̍h ū-sî hông ēng--tio̍h.

Siong-koan

• Bí-kok liân-pang hêng-chèng pō͘-bûn