წყი

წყი (ლათ. Prúnus laurocérasus), თაშნეშე წყეი-ფშქერი, წყოუ — იროწვანე ბართვი ვარდა ჯა ვარდიშობურეფიშ ფანიაშე, ფართე სარკალა ოვალური ფურცელეფით. პიოლეფი ჭიფე, ჩე ფერიშ, არომატული რე. გუმნაღელი – უჩა კანკარიშ მოგვენი. წყი იკათუანს დოხოლაფირო 25 გვარობას, ნამუეფით გოფაჩილი რე ევრაზიას, ოორუე ამერიკას დო ანტილიაშ კოკეფს. თე ჩანარი უმენტაშო მუთმოფხვადჷნა ობჟათე ნოღეფს. თინა ძალამ მოგენს დაფიშ ფურცელეფს, მარა წყიშ ფურცელეფი უმოსი დიდი ზჷმაშ რე. რჩქვანელობური ოწამალე წყი მუთმოფხვადჷნა კავკაციონიშ ტყალეფს, ზუღაშ დონეშე 1700 მეტრ სიმაღალას. შხვა იროწვანე ჩანარეფშე გინორთი, წყი ძალამ ჸინგჷმარძე ჩანარი რე დო ლიტერატურული ჩინებეფით ურზუ -25С ჸინს.

გჷმორინაფა

წყიშ გუმნაღელი დო ფურცელეფი ფართეთ გმირინუაფუ მედიცინას. წყიშფურცელეფი იკათუანს გლიკოზიდ ამიგდალინს, ოკათე მედიცინას წყიშ ფურცელიშ ჩხე ნახაშა ვარდა უბრალეთ დჷნადგინათ — ჩხე ბჟას მიშაწყორილო ფართეთ გჷმირინუაფუ შხვადოშხვა უბადოთვისებამი ახალწჷმნაქიმინეფიშ კურნალობას. გუმნაღელს გჷმირინუანა გურიშ ლახარეფიშ ოკურნალეთ.

გალერეა

რდილი ჩანარიშ საართო მიოჯინი

ფურცელეფი

პიოლეფი

გუმნაღელეფი