ეთოლოგია
ეთოლოგია — ჩხოლარეფიშ რჯებაშ მენცარული დო ობიექტივისტური, თარო ფოკუსირაფილი რე ორთაშობურ პიჯალეფს რჯებაშა დო რჯება ისხუნუაფუ მუჭოთ ევოლუციურო მოძინელი მუშობურა.[1] ბიჰევიორიზმი ხოლო დჷთმიგურუანს ჩხოლარეფიშ რჯებას, მარა უთარაშო ლაბორატორიულ კონტექსტის, ევოლუციურ მერჩქვანელობაშა გიშაკერზაფილი ხვილაფაშ მეჩამაშ უმუშო.[2] ისტორიაშ გოძვენას ჩხოლარეფიშ რჯებას მიარე ორთაშმორაგადე დჷთმიგურუანდჷ. ეთოლოგიაშ ოსხირეფი ჩარლზ დარვინიშ ნახანდეფს დო XIX-XX ოშწანურეფიშ ამერიკალი დო გერმანალი ორნიტოლოგეფიშ ნახანდეფს რე. ეთოლოგიაშ თეხანური დისციპლინაშ გჷმოქიმინუაშ პერიოდო 1930-იანი წანეფი მირჩქინუაფუ ნიდერლანდარი ბიოლოგიშ, ნიკოლას ტინბერგენიშ ნახანდეფით, თაშნეშე ფიზიოლოგიაშ დო მედიცინაშ დარგის, 1973 წანაშ ნობელიშ პრემიაშ ლაურეატეფიშ კონრად ლორენციშ დო კარლ ფონ ფრიშიშ ნახანდეფი.[3] ეთოლოგია ლაბორატორიული დო ოველე მენცარობაშ კომბინაცია რე დო მეჭედა რსხუ უღუ შხვა დისციპლინეფწკჷმა, მუჭოთ რე ნეიროანატომია, ეკოლოგია დო ევოლუციური ბიოლოგია. მუჭოთ წესი, ეთოლოგეფი დოინტერესაფილი რე ორჯებე პროცესეფით, ვიდრე ცხოველთა ჯგუფებით[4] დო შხირას ართი სახეშ რჯებაშ დჷთმიგურუანს, მუჭოთ რე აგრესია, კამუფლაჟი დო შხვა.
ეთოლოგია
[რედაქტირაფა | წყუშ რედაქტირაფა]ტერმინი ეთოლოგია (Ethology) მოურს ბერძენული ზიტყვეფშე: ethos, ნამუთ „მუშობურას“ შანენს დო logia, ნამუთ დოგურაფას შანენს. ტერმინიშ პოპულარიზაცია მერსხილი რე ამერიკალი მირმეკოლოგიშ, უილიამ მორტონ უაილირიშ ჯოხოწკჷმა.[5]
სქოლიო
[რედაქტირაფა | წყუშ რედაქტირაფა]- ↑ Definition of ethology. Merriam-Webster. კითხირიშ თარიღი: 9 September 2016.
- ↑ Definition of behaviorism. Merriam-Webster. კითხირიშ თარიღი: 9 September 2016.
Behaviourism. Oxford Dictionaries. კითხირიშ თარიღი: 9 September 2016. - ↑ The Nobel Prize in Physiology or Medicine 1973. Nobelprize.org.. ციტატა: „The Nobel Prize in Physiology or Medicine 1973 was awarded jointly to Karl von Frisch, Konrad Lorenz and Nikolaas Tinbergen 'for their discoveries concerning organization and elicitation of individual and social behaviour patterns'.“ კითხირიშ თარიღი: 9 September 2016.
- ↑ Gomez-Marin, Alex (2014-10-28). „Big behavioral data: psychology, ethology and the foundations of neuroscience“ (En). Nature Neuroscience 17 (11): ხს. 1455–1462. DOI:10.1038/nn.3812. ISSN 1097-6256. PMID 25349912.
- ↑ (2009) Insect Behaviour. Springer, ხს. 13. ISBN 978-90-481-2388-9.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |