გერმანიაშ პრეზიდენტი
ბუნდესპრეზიდენტი (გერმ. Bundespräsident; ქორთ. ფედერალური პრეზიდენტი) — გერმანიაშ ფედერაციული რესპუბლიკაშ მადუდე დო მაართა პიჯი, მორო ნორკებუ პოლიტიკური გოლინა უღუ ბუნდესკანცლერწკჷმა ალაზიმაფათ. წჷმარინუანს ქიანას საირქიანო მაჸალობეფს. მუში კომპეტენციაშ ფარგალეფშა მიშმურს თაშნეშე ოდინოხოლენური პოლიტიკაშ ოკითხეფი, მუნერეფითიე: ფორმალური ხუჯიშ დოკინა ოკანონმადვალუ აქტეფიშ მეღება ბორჯის; თარობეფიშ, მინისტრეფიშ, მოსამართეეფიშ დო შხვეფიშ დორინაფა; პრეროგატივა პარლამენტიშ დოთხუალაშ დო ახალი გჷშაგორუეფიშ დოშანუა. ეშმეგორუ 5 წანაშ ხანით სპეციალურო მოჭანაფილი ფედერალური კათუაშით. 2012 წანაშე ბუნდესპრეზიდენტი რე იოახიმ გაუკი.
ბუნდესპრეზიდენტიშ რეზიდენცია იდვალუაფუ ბელევიუშ დოხორეს ბერლინს დო ჰამერშმიტიშ ვილას ბონს.