კოლუმბიარეფი

კოლუმბიარეფი (ესპ. - colombianos) - ესვარილ გამნარყიშ კათა ობჟათე ამერიკას, კოლუმბიაშ თარი მახორობა. მუდანობა - 34,5 მლნ ადმ., თაურეშე - 32,5 მლნ ადმ. კოლუმბიას ოხორანს (1992). ვენესუელას კოლუმბიარეფიშ მუდანობა - 1,75 მლნ, თაშნეშე ოხორანა ამერიკაშ აკოართაფილ შტატეფს დო შხვა ქიანეფს. თარი რელიგია - კათოლიციზმი. ნინა - ესპანური ნინაშ აკანური ვარიანტი.

გოჭყაფა

კოლუმბიაშ ტერიტორიაშა ესპანარეფიშ მულაშა ოხორანდეს ინდიარეფი ჩიბჩა-მუისკეფი. თინეფიშ უმენტაშობა გოჭყვიდეს ვარდა ნორთობურო ასომილაფირქ იჸუეს.

კოლუმბიარ კათაქ ისტროიულო სუმ კომპონენტშე აკორთჷ: აბორიგენ-ინდიარეფი, ესპანარეფი დო ნეგრეფი. ესპანარეფქ, ალმახანურ კოლუმბიაშ ტერიტორიას დოხორაფა დიჭყეს 17 ოშწანურაშ დაჭყაფუს. 17 ოჭანურაშ ბოლოშე, ნეგრეფი აფრიკაშე მოჸუნდეს ჭკოლარო. 18 ოშწანურას რდჷ - 45% მეტისეფი, 33% ჩეკანამეფი, 17% ინდიარეფი დო 5% ნეგრეფი. ასე კოლუმბიას ესპანურნინამ კოლუმბიარეფიშ მოხ, ნამუთ რასობურო უმენტაშო აკმოდირთუ მეტისეფშე დო კრეოლეფშე, ოხორანს 300-400 ვთშ. ინდიარი. თაქ მახორუ ინდიარეფს ასქილადირ დო თხილერ აფუნა მუნეფიშ ნინეფი დო ტრადიციული რწუმეფი. ასე ინდიარეფი - 10%, მულატეფი დო სამბო - 15%, ნეგრეფი - 4%. დოსქილადირეფი - მეტისეფი დო ჩეკანამეფი. 19 ოშწანურაშ მა-2-ა ნორთის თაქ ესპანარეფიშ მოხ შხვა ქიანეფშე ხოლო მიგრაციათ გინიხორეს. ქიანაშ ზოხო ნორთეფს უმენტაშო რე ინდიარული ელემენტეფი. კუნდინამარკაშ, ბოიაკაშ, სანტანდერიშ, კაუკაშ, ნარინიოშ დო უილაშ დეპარტამენტეფს - უმენტაშო მეტისეფ ოხორანა. ჩეკანამეფი უმენტაშო ნოღაშ მახორუეფი რენა, გიშაკერზაფილო კალდასიშ დო ანტიოკიაშ დეპარტამენტეფს. მულატეფი, სამბო დო ნეგრეფი უმენტაშო წყარპიჯ რაიონეფს ოხორანა.

თაშნეშე ქოძირით

კოლუმბიაშ მახორობა

ლიტერატურა

А. Д. Дридзо. Колумбийцы\\Народы и религии мира, под ред. В. А. Тишкова, М.,1998.
Латинская Америка. Энциклопедический справочник в 2 томах, том 1, под ред. В. В. Вольского, М.,1982.

თე სტატია კოლუმბიაშ დო კოლუმბიარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.