Wikidata:Accesibilidade
 | This page is outdated. |
Esta páxina pretende informar aos usuarios sobre a accesibilidade do Wikidata. Ser accesible significa que as persoas con discapacidade poden percibir, comprender, navegar e interactuar co Wikidata, así como colaborar no Wikidata. Entre as principais poboacións afectadas atópanse as persoas invidentes e con discapacidades visuais e as persoas con discapacidades físicas.
Como principio fundamental, debemos aspirar a cumprir as normas ISO estándar WCAG 2.0 sobre a accesibilidade na web como mínimo ao nivel "AA" e ao nivel "AAA" onde sexa posible.
Malia que non se realizou ningunha revisión detallada do Wikidata ata decembro de 2012, o Wikidata semella ter un nivel de accesibilidade bastante bo. O software semella dar un formato correcto ás táboas e aos elementos interactivos.