Republic of the Philippines

Department of Education
Region VIII
DIVISION OF EASTERN SAMAR
GUIUAN NATIONAL HIGH SCHOOL

PANIMULANG PAGTATAYA sa Grade 9

SY 2023-2024

1. Panuto: Isulat ang tamang sagot sa sagutang papel.

1. Ang mga pangatnig at transitional devices ay nakatutulong sa:

A. pagsusunod-sunod ng mga pangyayari sa isang kuwento.
B. pagbibigay kahulugan sa konotasyon at denotasyon ng mga salita.
C. pagtukoy sa mga pangunahing tauhan sa maikling kuwento o alamat.
D. pagkilala kung kalian naganap, nagaganap, gaganapin ang kilos o pangyayari.

2. Kapag ang maikling kuwento ay nakatuon sa pagkakabuo ng mga pangyayari, ito’y mauuri bilang maikling
kuwentong:
A. kababalaghan B. pangtauhan C. katutubong kulay D. makabanghay

3. Ang pangatnig na samantala ay ginagamit na:

A. panlinaw B. pantuwang C. pananhi D. panapos

4. Ang tulang naglalarawan ng pagpapahalaga o pagkamuhi ng makata o may akda sa isang pook o pangyayari ay
tinatawag na tulang:
A. mapang-uroy B. mapang-aliw C. mapaglarawan D. mapangpanuto

5. Ang pang-ugnay ay bahagi ng salitang:

A. Pangkayarian B. pantukoy C. pananda D. pangawing

6. Kung ang sanaysay na di-pormal ay tinatawag na personal na sanaysay, ang sanaysay na impersonal naman ay:
A. naglalarawan. B. nangungutya C. pormal. D. nang-aaliw

7. Ang panagano ng pandiwa na nagsasaad ng katotohanan ang isang bagay o pangyayari ay tinatawag na:
A. pawatas B. paturol C. pautos. D. pasakali

8. Isang uri ng dulang nagtataglay ng malulungkot na pangyayari subalit nagwawakas na masaya ang:
A. komedya B. tragikomedya C. melodrama D. trahedya

9. Ang sining ng panggagaya sa tunay na kalikasan ng buhay na kinatha upang itanghal at magsilbing salamin ng
buhay ang:
A. kathambuhay B. teatro C. dula D. sarsuwela

10.Simula nang natutong magsarili, siya’y naging responsableng bata. Ang pangungusap ay may pang-abay na
pamanahon na
A. walang pananda B. may pananda C. payak na salita D. inuulit

11.Ang bawat bituin ay naging munting puting bulaklak na sadyang napakatamis ng samyo. _____ noon, ang
kaniyang mga bulaklak ay naging paborito ng mga tao, pangkuwintas sa mga dalaga at bisita at pang-alay sa mga
Santa tuwing mayokasyon.” Anong salita ang maaaring ipuno na magiging pananda ng pang-abayna pamanahon?
A. hanggang B. mula C. kaya D. kapag

12. Sa pagsusunod-sunod ng mga pangyayari sa isang kuwento,gumagamit tayo ng mga:

A. pantukoy B. pandiwa C. pangatnig D. pang-abay
13.____ araw ng Linggo, nagsisimba ang buong mag-anak. Ang salitang nawawala sa pangungusap ay:
A. Kung B. Sa C. Kapag D. Simula

14. Maituturing ang isang kuwento na alamat kapag

A. naganap sa mga tanyag na lugar. B. naglalaman ito ng makatotohanang pangyayari.
C.nagsasalaysay ng pinagmulan ng bagay o lugar. D. naglalahad ng patunay sa pinagmulan ng mga
bagay-bagay.

15. Sa pangungusap na, Si Sitti Nhuraliza ay may ginintuang tinig at ginintuang puso, ang salitang ginintuan ay:
A. nangangatuwiran B. nag-uugnay C. Naglalarawan D. nagsasalaysay

16. Sa mga pangungusap na, Nagugutom si Egay. at Nagluto si Mulong ng pansit. Ano ang angkop na gamiting pang-
ugnay upang maging iisang pangungusap ang mga nabanggit?
A. kaya B. subalit C. palibhasa D. datapwat

17. Haba ng hair, Utak niya'y puro air, Amoy mo ay wagas, Dapat ka ngang magtawas: Ang saknong na mula sa
tulang isinulat ni Von Crisostomo Villaraza ay halimbawa ng tulang:
A. mapagbiro B. mapanghikayat C. mapaglarawan D. mapang-aliw

18. Anong uri ng pang-ugnay ang ginamit sa pangungusap na, Ayon kay Rene, ang pagpapakahulugan sa pahayag ay
malinaw.
A. pananda B. pang-ukol C. pangatnig D. pantukoy

19.Ang dekonstruksyon ay isang paraan ng pag-aanalisa ng teksto. Ang pangungusap ay halimbawa ng

A. pangangatuwiran B. pagkukuwento C. paglalahad D. paglalarawan

20. Aling pangkat ng pandiwa ang nasa panaganong paturol?

A. pinuhin, Anihin, Ihain B. kumanta, tumalilis, kumaripas
C. gamitan, asahan, pag-aralan D. natapos, natatapos, matatapos

21.___ ni Rizal ang Noli at El Fili upang mapalaya ang Pilipinas sa mga Espanyol. Anong anyo ng pandiwa ang angkop
na ipuno sa pahayag?
A. Nagamit B. Ginamit C. Gagamitin D. Kagagamit

22. Ang patalastas o anunsiyo ay isang paraan ng komunikasyon o pakikipagtalastasan na may layuning:
A. maglarawan B. mangaral C. manghimok D. magpakilala

23. Alin sa sumusunod na pandiwang paturol ang nasa perpektibong katatapos?

A. kumaripas B. katatayo C. kakalusong D. pinagsabitan

24. Ang lahat ay nagsasaad ng makatotohanang impormasyon, maliban sa:

A. naganap ang makasaysayang EDSA Revolution noong Pebrero 25, 1986.
B. taun-taon ay dinadaanan ng hindi bababa sa dalawampung bagyo ang Pilipinas.
C. nakagagamot sa sakit sa ubo ang dahon ng oregano.
D. kung hindi tayo kikilos, maaaring mauwi sa wala ang ating pinaghirapan.

25.Ang ngiti ni Ina ay patak ng ulan kung tag-araw: ang bata kong puso ay tigang na lupang uhaw na uhaw...Ang
sinalungguhitang pahayag ay nagpapahiwatig ng:
A. pagdurusa B. kalutasan C. kaligayahan D. kalungkutan
Para sa mga bilang 26-27
Tinuyo ng nagdadalamhating ama ang kaniyang mga luha at saka tumayo. Mayroon siyang naisip. Mula
ngayon, magiging mabuti na siyang ama. Dinukot niya sa bulsa ang perang ibinigay ng kaniyang amo sa
asawa (na kiming iniabot naman ito agad sa kanya,tulad ng nararapat..

26. Mahihinuhang ang ama ay magiging:

A. matatag B. matapang C. Mabuti D. masayahin

27. Maituturing na pang-abay na pamanahon ang:

 A. magiging mabuti B. mula ngayon C. nagdadalamhating ama D. dinukot sa
bulsa

Para sa mga bilang 28-29

“Tapos po ako ng pagtuturo kaso wala pa ring mapasukan.Sabagay, kahit magtuturo ka ngayon, di
mo kakayanin. Oo nga po e.Di mo ba kaya kahit ‘yung tigtatatlong daan lang na kuwarto isang araw? Hindi
po talaga kaya e.” “Sige, ipakita mo na itong papel sa opisina ng Social Services.
Doon sa bandang kanan. Salamat po! Maraming salamat!” Kailangang magpanggap,
magsinungaling, mapunta lang si Rebo sa Charity Ward ng ospital. Dito, kahit paano, kutson ang
mahihigaan ni Rebo, di hamak na mas mainam kesa higaang bakal na de gulong ng Emergency Room .

28. Ipinahihiwatig ng teksto na ang ama ay:

A. maawain B. matulungin C. mapagmahal D. maalalahanin
29. Ang salitang may salungguhit sa teksto ay isang:
A. pandiwa B. pangngalan C. pang-abay D. pang-uri

Para sa mga bilang 30

Huling Sabado ng Pebrero ang ikalimang Sabado. Eksaktong katapusan. Kasabay ng pagtatapos ng
Pebrero ay pumanaw ang aking anak. Ilang sandali matapos ang sabay na paglaglag ng luha sa kanIyang
mga mata at pagtirik ng mata, ibinuga niya ang kanIyang huling hininga. Namatay siya habang tangan ko
sa aking bisig. Hinintay lamang niya ang aking pagdating. Di na kami nakapag-usap pa dahil pagpasok ko
pa lang ng pintua’y pinakawalan na niya ang sunod-sunod na palahaw ng matinding sakit na di nais
danasin ng kahit sino. Isa’t kalahating oras siyang naghirap. Nabulag, nanigas, nilabasan ng maraming
dugo sa bibig, at naghabol nang naghabol ng hininga.”

30. Layunin ng teksto na:

A. mangatuwiran B. maglahad C. magsalaysay D. maglarawan

31.Nang tumuntong ako ng ikalabindalawang taong gulang, ako ay itinali sa bahay- kinakailangang ikahon ako. Ano
ang kahulugan ng salitang sinalungguhitan?
A. itali sa bahay B. pagbawalang lumabas C. ikulong D. lahat ng
nabanggit

32. Sa pangungusap na, Ang araw ay muling sisikat sa dakong Silangan pagsapit ng umaga. Aling salita ang may
dalawa o higit pang kahulugan?
A. araw B. sisikat C. umaga D. lahat ng
nabanggit

Para sa mga bilang 33-34

Isa sa pinakamahusay na mang-aawit sa Asya si Sitti Nurhaliza mula sa bansang Malaysia.
Nagkamit siya ng iba’t ibang awit-parangal hindi lamang sa kaniyang bansa kundi maging sa pang-
internasyonal na patimpalak. Isa na rito ang titulong “Voice of Asia” nang makamit niya ang Grand Prix
Champion mula sa Voice of Asia Singing Contest na ginanap sa Almaty, Kazakhstan.

33. Maituturing na salitang naglalarawan ang:

A. pinakamahusay B. nagkamit C. ginanap D. patimpalak
34. Ang tulang isinulat ni Pat V. Villafuerte na may pamagat na Kultura: Pamana ng Nakaraan, Regalo ng Kasalukuyan
at Buhay ng Kinabukasan ay nagpapahiwatig na ang kultura ay:
A. nagbabago B. naaalis C. di nagpapalit D. di itinuturo

35.“Isinuko ko ang aking kalayaan at nagpakahon ako sa kanilang nais.” Ang ipinahihiwatig ng tauhan sa pahayag ay:
A. pagkatalo B. kawalan ng kapangyarihan C. pagiging sunod-sunuran D. kasiyahan
Para sa mga bilang 37-39
Palala nang palala ang problema sa polusyon ngunit marami ang hindi nababahala sa kalagayang ito.
Binabalikat ngayon ng daigdig ang pinakamabigat na suliraning ito na maaaring dulot na rin ng makabagong
kabihasnan at siyensiya. Mapapansing dahil sa malubhang pag-init ng mundo, pabago-bago ang klima sa iba’t ibang
panig ng daigdig. Ito’y bunga ng labis na paggamit ng kahoy bilang panggatong. Ang mabilis na pagkaubos ng mga
puno sa kagubatan ay nagbibigay rin ng suliranin sa polusyon hindi lamang sa ating bansa pati na rin sa iba pang
mga bansa.
Sa nabanggit na mga problema, pinakamalubha ang suliranin sa basura sapagkat ito ang nagpapalala ng
polusyon sa lahat ng mga bansa. Kaya naman hindi tumitigil ang pamahalaan ng bawat bansa at mga dalubhasa sa
buong mundo sa paglutas ng mga problemang ibinibigay nito sa daigdig. Gayon pa man, hindi dapat iasa lahat sa
mga grupo ng mamamayang may malasakit ang paglutas sa suliranin sa bansa. Dapat magsimula ang pagkilos sa
mga tahanan upang mapadali ang pagbibigay ng kalutasan sa problemang idinudulot nito sa sangkatauhan.
Hango sa Hiyas ng Lahi IV Vibal Publishing, Inc

37. Ano ang maaaring maging bunga ng patuloy na pag-init ng mundo?

A. Matutunaw ang mga yelo na magpapalala sa pagbaha.
B. Mamamatay ang lahat ng may buhay sa mundo.
C. Masusunog ang mga tao.
D. Magkakaroon ng taggutom dahil sa kakulangan ng suplay ng pagkain.
38. Ano ang pinakamalubhang suliranin ng lahat ng mga bansa ayon sa teksto?
A. suliranin sa basura B. problema sa polusyon B. pagkaubos ng mga puno D. pag-init ng
mundo

39. Ang lahat ay sanhi ng pandaigdigang problema sa polusyon ayon sa akda, maliban sa isa.
A. paggamit ng kahoy bilang panggatong C. pagkaubos ng mga puno
B. pagtatapon sa mga estero at ilog D. makabagong kabihasnan at siyensiya

Para sa mga bilang 40-42

Sa isang sentro ng Ohio, may isang tanawing batuhan sa isang patag na baybayin. Ang lugar na ito ay
nakikilala sa tawag na Mount Pheasant. Dati ay may nakatayo ritong higanteng punong kahoy. Bago ito pinutol,
may makailang saling ang mga tao ay nag-ukit ng kanilang tanda at pangalan sa katawan nito. Sa dami ng mga
sulat sa balat nito, ang pagnanasang magiwan ng marka o tanda ng isang tao ay maliwanag. Habang iniisip ko ito,
naalala ko ang sinabi ng isang matalinong lalaki: “ Huwag mong iukit ang iyong alaala sa kahoy o pader, iukit mo sa
puso ng bata.” Ang pagmamarka sa materyal na bagay ay pag-aaksaya ng oras ay lilipas ito sa paglipas ng panahon.
Ngunit ang tatak na iiwan sa puso ng mga anak ay mananatili hanggang wakas. Kaya kung nais ng isang ama na
magiwan ng anumang magtatagal na alaala sa kabataang ipinagkaloob sa kaniya ng Panginoon, umukit siya ng
ispiritwal na alaala.

40. Ano ang pahiwatig ng mensaheng may salungguhit?

A. Kukupas ang isang tanda o markang inukit sa puno o pader.
B. Mag-iwan ka ng isang alaalang mananatili hanggang sa wakas.
C. Mahirap umukit ng tanda o marka sa pader o puno.
D. Hindi basta-basta nabubura sa puso ang isang alaala.

41. Makapag-iiwan ng pangmatagalang alaala ang isang tao sa pamamagitan ng:

A. pag-iiwan ng marka o tanda sa isang puno B. pag-uukit ng ispiritwal na alaalap
C. paggugol ng panahon sa mga bat. D.pag-iiwan ng alaalang larawan sa isang
tao

42. Ano ang maaaring maging pamagat ng teksto?

A. Alalaang inukit sa puso C. Bato sa Ohio
B. Inukit na alaala sa puno D. Sa paglipas ng panahon...

43. "Puwedeng kilala ko siya," pagbibigay-loob ni Ibarra. "Lamang ay hindi ko maalala ngayon."
a. pagpapaumanhin b. paggalang
c. katapatan d. mapagmataas
44. "Mayroon po, ginang. Dalawang malinaw kaysa mga mata ninyo. Kaya lang ay nakatingin ako sa kulot ng
inyong buhok," pangangatwiran ng militar sabay layo.
a. paghanga b. pangungutya
c. pagkainis d. panunukso

45. "Maaaring nalilimot ako ng aking bayan ngunit lagi ko naman siyang naaalaala."
a. pagkaawa b. pagdaramdam
c. pagmamahal d. pagkalumbay

46. "Hindi po ba kayo makikisalo sa amin, Don Santiago?" patanong na tawag ni Ibarra.
a. kasiyahan b. pag-aalaala
c. panghihinayang d. pagyaya

47. "Hindi dapat aksayahin ang iyong salapi para lamang sa napakaliit na bagay. Kahit munting batang nag-aaral
ay nakaaalam niyan!"
a. galit b. pangungutya
c. kayabangan d. kahinaan

48.Huwag mong ilagay ang batas sa iyong mga kamay.

a. maghigante c. magpahintulot
b. magpataw ng parusa d. magpayo

49. Pahilig na ang sikat ng araw subalit mainit pa rin ang singaw ng pader.
a. papalubog c. lilitaw
b. nagtatago d. puputok

50.Ang hindi magmahal sa kanyang salita mahigit sa hayop at malansang isda.

a. pagmamalasakit c. paglayo
b. pagtakwil d. paggamit

“Ang kayamanan na hindi mananakaw ay ang kayamanang edukasyon”